Matiu 5:18 - Sura Malelaha

¹⁸ Tou mpuu au Kuuliangaakau, ope-ope lolita au teuki i lalu Sura Aturana Pue Ala hangangaa mewali. Ane ara mani langi hai dunia ide, batena bara ara hambua lolita i lalu Aturana Pue Ala au bara ina mewali, nauri au koi ntepuu.

Matiu 5:18 Mawu Ofanana

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Matiu 10:42

Hema au motulungi hadua topeulaNgku lawi ia mpuumi topeulaNgku, ina molambi hurungina i alo au ina mai. Kehapiri hadua tauna mowei pea owai ntoo i hadua topeulaNgku au koi tuwona, ia ina molambi hurungina hangko i babehiana au maroa.”

Matiu 11:11

Nauli mbuli Yesu, “Bona niisa, hangko i ope-ope tauna au rapoanaka i dunia ide, bara ara hadua au meliu kamahilena tuwona hangko i Yohane Toperiu. Agaiana mepongka ide-ide, morasi mpuuhe tauna au mengkoru i Pue Ala. Mogalori hadua tauna au tepakoi tuwona i lalu poparentana Pue Ala, mahile tuwona pane Yohane.

Matiu 13:17

Tou mpuu au Kuuliangaakau: hangkoia arahe bosa nabi hai tauna au manoto au mampeinaohe moita apa au niitami, agaiana bara raita. Mampeinao mpuuhe mampehadingi apa au nihadi, agaiana bara rahadi.”

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Matiu 18:18

Nipehadingi: apa au nibotusi i dunia, aminami tebotusi i suruga. Ane niuli hadua tauna hangangaa rahuku, ia nahuku worimi Pue Ala. Ane niuli hadua tauna raampungi dosana, naampungi worimi Pue Ala.

Matiu 18:3

hai Nauliangaahe, “Tou lolitaNgku ide: ane barakau mobaliki babehiami hai mewali nodo anangkoi ide, barakau ina mewali taunana Pue Ala i lalu poparentaNa.

Matiu 19:23

Ido hai nauli Yesu i topeguruNa, “Nipehadingi maroa au Kuuliangaakau: mapari mpuu tauna au pebuku mewali taunana Pue Ala i lalu poparentaNa.

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 21:21

Nahanai Yesu, “Tou mpuu au Kuuliangaakau, ane nipoinalai hai bara bata-bata lalumi, peisa wori nibabehi nodo au Kubabehi i kau iti. Mogalori bulu olou, peisa nipohawaa, niuli: ‘Teangkamoko, pengkanawo i lalu tahi!’ hai batena ina mewali.

Matiu 21:31

Roo indo, mekune Yesu i tadulako agama Yahudi, Nauli, “Mewali, hangko i anangkoi au rodua iti, hema au mampeulai hawana umanda?” Rahanai tadulakonda to Yahudi, “Au towutu.” Nauli Yesu, “Kana pehanami. Agaiana Kuuliangaakau: tauna au madosa, nodo toperuru asele hai towawine au bara hintoto babehianda, ihirari au ina nadoko Pue Ala mewali taunaNa i lalu poparentaNa, bara ikamu.

Matiu 23:36

Tou mpuu au Kuuliangaakau, ikamu au tuwo ide-ide batena rahuku anti babehiami hai anti babehianda toiorumi au kadake.”

Matiu 24:2

Nauliangaahe Yesu, “Niitami ope-ope iti. Bona niisa, bara ina ara haogu watu au mentara i paidaana. Batena ope ragero.”

Matiu 24:47

Hawi iti batena naangka ampuna mokadipura ope-ope anu-anuna.

Matiu 25:12

Nauli toratauna tobalilo, ‘Barakau kuisa.’ ”

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Matiu 25:45

Hai Iko Datu, Kuhanaihe, ‘Bona niisa, anti kadana nitulungi tauna au meahi-ahi tuwonda, lempona, Ikomi au bara nitulungi.’ ”

Matiu 5:26

Tou mpuu au Kuuliangaakau, barapoko tekabaha hangko i tarunggu ane bara mani piri indamu nubaiari.”

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Markus 10:15

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Markus 10:29

Nauli Yesu, “Bona niisa: hema au mopalehi halaluna, inana ba umana, anana ba souna ba bondena anti peulana Iriko hai anti Ngkora Marasa,

Markus 11:23

Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Markus 12:43

Yesu mokakio topeguruNa, Nauliangaahe, “Tou mpuu au Kuuliangaakau: tobemba au meahi-ahi tuwona iti, popenombana melumbu hangko i ope-ope tauna ntanina au mopusa popenombanda,

Markus 13:30

Tou mpuu au Kuuliangaakau: ope-ope au Kuuli inona batena mewali hangko damani ope tauna au tuwo i tempo ide mate.

Markus 14:18

Tanganda mohuda, mololitami Yesu, Nauli, “Tou mpuu lolitaNgku ide: hadua hangko irikamu au maande sambelake ide-ide, ina mampobaluNa.”

Markus 14:25

Bona niisa: mepongka ide-ide, anggoro ide barapi ina Kuenu duuna hawe tempona maenuNa anggoro au wou i lalu poparentana UmaNgku”

Markus 14:30

Nauli Yesu, “Kuuliangaako: hangko damani motuturua manu karombelana deade kaindi, talumi belana nusapuakaNa.”

Markus 14:9

Bona niisa: i humalele dunia, iumba pea Ngkora Marasa rabambari, apa au nababehi towawine iti batena tekabelai, tanda karakatuinaona.”

Markus 3:28

Mewali bona niisa: ope-ope dosa hai lolita pesapuaka peisa raampungi.

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Markus 8:12

Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Markus 9:1

Nauli mbuli Yesu, “Nipehadingi maroa apa au Kuuliangaakau ide: arakau inde au bara ina mate hangko damani moita Pue Ala moparenta hai kuasaNa.”

Markus 9:41

Bona niisa: hema pea au motulungikau anti peulami i Kerisitu, ina molambi hurungina i alo au ina mai. Kehapiri owai ntoo pea naweikau anti peulami i Kerisitu, ia ina molambi hurungina hangko i babehiana au maroa.

Lukasi 11:51

mepongka i karapapatena Habeli hawe i Sakaria au rapapate i tabangaa Souna Pue Ala i olo sou au malelaha hai meja pohuwea popenomba. Tauna au tuwo i tempo ide ina rahuku anti ope-ope babehia iti!

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Lukasi 13:35

Bona niisa: ina napalehikau Pue Ala! Tou mpuu Kuuliangaakau, barapoNa niita, duuna hawe tempona niuli: ‘Rawatimi tauna au mai i lalu hangana Pue!’ ”

Lukasi 16:17

Ope-ope lolita au teuki i lalu Sura Aturana Pue Ala hangangaa mewali. Ane ara mani langi hai tampo, batena bara ara hampaka lolita i lalu Sura Aturana Pue Ala au bara ina mewali.

Lukasi 18:17

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Lukasi 18:29

Ido hai nauli Yesu i topeguruNa, “Bona niisa: hema au mopalehi souna, ba towawinena ba halaluna ba tosaena ba anana anti pengkoruna i Pue Ala,

Lukasi 23:43

Nauli Yesu, “Tou mpuu au Kuuliangaako, i alo ide peami, ina hihimbelako hai Iko i lalu Paradesi.”

Lukasi 4:24

Napaliliu Yesu lolitaNa, Nauli, “Tou mpuu au Kuuliangaakau, bara ara hadua nabi au rabila i boeana haduduana.

Yohane 1:51

Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

Yohane 10:1

Nauli Yesu, “Tou mpuu lolitaNgku ide: ane ara hadua tauna mesua i lalu gimpu bara moliu i babaka agaiana mengkaheri i wala, tauna iti iami topanangka hai tokadake.

Yohane 10:7

Ido hai Nauli mbuli, “Tou mpuu lolitaNgku ide: Ikomi babaka au rapoliungi dimba mesua i lalu gimpu.

Yohane 12:24

Tou mpuu lolitaNgku ide: Iko peisa rapandiri nodo haogu pare. Hangangaa ratuda hai mate, hangko arari wuana au ngkaia. Ane bara nodo, bara ina mowua.

Yohane 13:16

Tou mpuu lolitaNgku ide: hadua hawi bara meliu karabilana hangko i ampuna. Hadua tudua bara meliu karabilana hangko i tauna au metudu.

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

Yohane 14:12

Tou mpuu lolitaNgku ide: tauna au mepoinalai Iriko, peisahe mobabehi nodo au Kubabehi, ba melumburi hangko i apa au Kubabehi, lawi ina laomoNa i UmaNgku.

Yohane 16:20

Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Yohane 16:23

I tempo iti, barapokau paraluu mekune ba merapi apa-apa Iriko. Tou mpuu lolitaNgku ide apa pea au niperapi i UmaNgku i lalu hangaNgku, batena mpuukau Nawei.

Yohane 21:18

Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Yohane 3:11

Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 6:26

Mehana Yesu, “Tou mpuu lolitaNgku ide: Kuisa apa tunggaiami mohaokiNa. NihaokiNa lawi mabuhumokau Kupaande, bara anti poisami lempona tanda au Kubabehi.

Yohane 6:32

Nauli Yesu, “Tou mpuu lolitaNgku ide: bara nabi Musa au moweikau paande hangko i suruga. UmaNgkuri au moweikau paande au tou-tou hangko i suruga.

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.

Yohane 6:53

Ido hai Nauliangaahe, “Tou mpuu lolitaNgku ide: ane barakau moande onto Ana Manusia, hai barakau moenu waheNa, barakau ina molambi katuwo au bara mokahopoa.

Yohane 8:34

Nauli Yesu, “Tou mpuu lolitaNgku ide: ope-ope tauna au mobabehi liliu dosa, napohawihe dosa.

Yohane 8:51

Tou mpuu lolitaNgku ide: hema au mampeulai lolitaNgku, barahe ina mate i hae-haena.”

Yohane 8:58

Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”

1 Peturu 1:25

agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.

Pampetudungia 20:11

Roo indo, kuitami hambua kadera kadatua au bula hai mahile, hai kuita wori Hadua au mohuda indo. Anti kamakuasaNa, langi hai dunia unga pea matanta, barapi ara.