Matiu 5:10 - Sura Malelaha

¹⁰ Morasihe tauna au rapopeahi-ahi anti poulanda peundeana Pue Ala, lawi ihirami au mewali taunana Pue Ala i lalu poparentaNa.

Matiu 5:10 Mawu Ofanana

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Matiu 19:14

Nauli Yesu i topeguruNa, “Pogiangaahe anangkoi iti mai Iriko. Ineehe nikonto, lawi tauna au nodohe anangkoi ide ina mewali taunana Pue Ala i lalu poparentaNa.”

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 5:3

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Markus 10:14

Kanaitana Yesu apa au rababehi, Ia mokarumpuihe topeguruNa, Nauli, “Pogiangaahe anangkoi iti mai Iriko. Ineehe nikonto, lawi tauna au nodohe anangkoi ide ina mewali taunana Pue Ala i lalu poparentaNa.

Markus 10:30

batena molambi hurungina au mahile. I dunia ide ina molambi hangatu belana kangkaiana souna, halaluna, inana, anana, bondena, nauri molambi pepopeahi-ahi. Hai i alo pebotusi batena ina molambi katuwo maroa au bara mokahopoa.

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Lukasi 22:29

Ido hai Kuuliangaakau: nodo UmaNgku moweiNa kuasa moparenta, Iko wori ina moweikau kuasa moparenta,

Lukasi 6:20

Yesu mototoki topeulaNa hai Nauliangaahe: “Morasikau au meahi-ahi tuwomi, lawi ikamumi au mewali taunana Pue Ala i lalu poparentaNa.

Lukasi 6:22

Morasikau au rakahihi, au barakau rapohintuwua, rakakabosai hai rasalai tauna anti peulami Iriko Ana Manusia.

Yohane 15:20

Nikatuinao apa au Kuuliangaakau inona: hadua hawi bara meliu karabilana hangko i ampuna. Mewali ane Iko rapopeahi-ahi, ikamu wori ina rapopeahi-ahi. Ane arahe tauna au moula lolitaNgku, batenda mampeulai wori lolitami.

Suro 5:40

Roo indo, suro iti rakakio hulemohe, rapapahaihe hai rauliangaahe, “Ineemokau mepaturo mokabelai hangana Yesu!” Hangko indo, rakabahamohe.

Suro 8:1

Saulu wori mampokana karapapatena Setepanu iti. Mepongka alo iti, ope-ope topepoinalai i Pue Yesu au ara i Yerusale rapopeahi-ahi mpuumohe, alana mahawuhe i humalele tampo Yudea hai Samaria. Batenda pearai surona Pue Yesu au barahe melangka.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Pilipi 1:28

Inee mpuukau langa i tauna au moewakau, lawi iti au mopakanotoahe kaina nahukunda Pue Ala, hai ikamu halalu manotomi kaina nahoremami Pue Ala.

2 Timotiu 2:12

Ane sabarake mohalea kapari anti peulanta Iria, ina moparenta worike hihimbela hai Ia. Agaiana ane tasapuaka peulanta Iria, ina Nasapuaka wori kaikitana taunaNa.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.

Yakobu 1:12

Morasihe tauna au mantaha i lalu kapari hai pampetandaka. Lawi ane pepoinalainda mantaha i pampetandaka iti, ina molambihe katuwo au bara mokahopoa au nadandimi Pue Ala i tauna au maahi Iria.

Yakobu 5:11

Tauna au mantaha i lalu kapari, ihirami au rauli morasi. Niisami tuntukana Ayubi au mantaha i lalu kapari. Hai kahopoana, ia nawati Pue Ala. Lawi Pue Ala maroa laluna hai maahi ntepuu.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.