Matiu 4:3 - Sura Malelaha

³ I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Matiu 4:3 Mawu Ofanana

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Matiu 26:63

Agaiana Yesu, bara mehana. Nauli mbuli Tadulako Mpenomba Mahile Iria, “I lalu hangana Pue Ala au tuwo, uliangaangkai au manoto! Ba tou mpuu Oiomi Datu Topehompo, Anana Pue Ala?”

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Markus 1:1

Idemi Ngkora Marasa, tuntukana katuwona Yesu Kerisitu, Anana Pue Ala.

Markus 3:11

Hawe worihe tauna au napesuangi tokadake. Kamoitanda Yesu, liliuhe molingkudu i lindoNa, hai monganga-ngangahe, rauli, “Oio AnanaKo Pue Ala!”

Markus 5:7

Yesu mowura seta au mampesuangi tauna iti, Nauli, “Melohomoko hangko i tauna ide!” Monganga tauna iti, nauli, “Yesu Anana Pue Ala au i suruga! Apari mai Nuala? Kuperapi bona modandiKo i lalu hangana Pue Ala, barana ina Nupopeahi-ahi.”

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Lukasi 22:70

Rauli mbuli tadulako iti i Yesu, “Ba Anana mpuuKo Pue Ala?” Nahanai Yesu, “Tou mpuu, nodo au nuuli iti.”

Lukasi 4:3

Nauli Datu Tokadake i Yesu, “Ane tou-tou AnanaKo Pue Ala, Nutuduhe watu ide mewali roti!”

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 4:9

Roo indo, Datu Tokadake moanti Yesu lao i Yerusale, napopeangka i wongko wumbu Souna Pue Ala, hai nauliangaa, “Ane tou-tou Anana mpuuKo Pue Ala, pengkanawo hangko inde!

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 9:35

Nahadi Yesu karawurana tauna iti hangko i sou penombaa. Ido hai laomi Napombelambia, Nauliangaa, “Ba mepoinalaiko i Ana Manusia?”

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

2 Korintu 1:19

Lawi Yesu Kerisitu, Anana Pue Ala, au kibambariamokau, iko, Silas hai Timotiu, bara nodo tauna au bara tetida pekirina, hambela manguli “io” hambela manguli “bara”. Agaiana Ia ane Naulimi “io” barapi ina tebaliki.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

1 Tesalonika 3:5

Ido hai kutudu Timotiu lao irikamu bona kuisa noumba pepoinalaimi, lawi barapi kubuku motaha kamabilangku. Hai kupokalanga, nakelokau pae Datu Tokadake duuna napakanawokau hai barapi mobundu pobagongki mobambari Ngkora Marasa irikamu.

Ibarani 12:16

Nipamaroa-roa babehiami bona datikau ara au mebualosi ba mobabehi babehia au merikai. Ineekau ara au bara meula i peundeana Pue Ala nodo Esau hangkoia, lawi ia bara moholoi pewatina Pue Ala hangko i katowutuna. Kirana au katouana nahumba hangko i umana anti katowutuna, napobaluri i adina, naintolohi pea hai hantabo paande.

Ibarani 4:14

Mewali, ara irikita hadua Tadulako Mpenomba Mahile au meliu kamahilena tuwoNa: iami Yesu Anana Pue Ala, au mengkaoremi mesua i suruga hai lao i lindona Pue Ala. Ido hai hangangaa tapakaroho pepoinalainta hai tapangaku liliu kaYesuna Amputa.

Ibarani 7:3

Kana i Melkisedek, bara ara teuki kana i umana ba inana ba pemuleana. Bara wori ara teuki kana i pepongkana tuwona ba kahopoana tuwona. Peisa tauli: Melkisedek iti peisa rapahimbela hai Anana Pue Ala, lawi mewali tadulako mpenomba hawe i hae-haena.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

Pampetudungia 2:10

Bona niisa: Datu Tokadake ina motarunggu hanggaa hangko irikamu, hai ina nakelokau bona mousulikau hangko i pepoinalaimi. Ina rapopeahi-ahikau hampulo alona kamahaena. Agaiana inee nipokalanga pepopeahi-ahi iti. Hangangaa mantahakau i lalu pepoinalaimi kehapirikau rapapate. Ane nodo nibabehi, ina Kuweikau katuwo maroa au bara mokahopoa, hurungina penangimi.