Matiu 4:19 - Sura Malelaha

¹⁹ Nauliangaahe Yesu, “Maimokau hai meulakau Iriko! Barapi ikane au nidala, agaiana manusiami.”

Matiu 4:19 Mawu Ofanana

Matiu 16:24

Roo indo, Yesu mouliangaahe topeguruNa, “Hema au mampeinao meula Iriko, hangangaa mokabaha peundeana haduduana hai mohalea kau popakuana. Ane nodo, hangko peisari meula Iriko.

Matiu 19:21

Nahanai Yesu, “Ane mampeinaoko mampeulai Pue Ala hangko i kabulana lalumu, laomoko hampai mampobalu hinangka anu-anumu, hai holona nuweihe tauna au meahi-ahi tuwonda. Ane nubabehi nodo, ina mahile hurungina au nuhumba i lalu suruga. Roo indo, maimoko meula Iriko.”

Matiu 4:18

Tangana Yesu molumao i wiwi rano Galilea, Ia moita rodua tauna, iamohe Simo (au rahanga wori Peturu) hai Andaria, adina, au tanganda modala i rano, lawi itimi bagonda.

Matiu 4:20

Rapalehi mpuumi dalanda, hai mepongka alo iti, meulamohe i Yesu.

Matiu 8:22

Agaiana nauli Yesu iria, “Meulako Iriko! Pogiangaahe tomate motawu hangka tomatenda!”

Matiu 9:9

Roo indo, padumi Yesu hangko inditi. I tanga rara, Ia moita hadua au mohuda i bambaru pobaiaria asele, hangana Matiu. Nauli Yesu iria “Peulamide Iriko!” Meangkami Matiu hai liliu meula Iria.

Markus 2:14

Tangana Yesu molumao, moitami hadua toperuru asele au mohuda i bambaru pobaiaria asele, hangana Lewi, anana Alfeus. Mololitami Yesu iria, Nauli, “Peulamide Iriko!” Meangkami Lewi, hai liliu meula Iria.

Lukasi 5:27

Roo indo, padumi Yesu, hai i tanga rara, Ia moita hadua toperuru asele au mohuda i bambaru pobaiaria asele, hangana Lewi. Nauliangaa Yesu, “Peulamide Iriko.”

Lukasi 9:59

Roo indo, nauli Yesu i tohaduana, “Meulako Iriko.” Agaiana nahanai tauna iti, “Pue, Nupaliuna hampai lao motawu umangku.”

Yohane 1:43

Kahalona, Yesu motunggai lao i tampo Galilea. Hangko damani meangka, laomi mampombelambia Pilipu hai Nauliangaa, “Meulako Iriko!”

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Yohane 21:22

Nauli Yesu, “Ane Kuunde bona ia tuwo liliu duuNgku hawe i karombelana, bara paraluu nuisa! Agaiana oio meula peamoko Iriko.”

2 Korintu 12:16

Niisa halalu barakau hambela kupakapari. Agaiana arahe tauna au mokakabosaina, rauli kuakalangikau. Rauli molambina rasi hangko irikamu anti podongkoku.