Matiu 4:10 - Sura Malelaha

¹⁰ Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Matiu 4:10 Mawu Ofanana

Matiu 16:23

Yesu mampembalilingi Peturu, hai Nauliangaa, “Peloho Datu Tokadake! Ba nupeinao mohombokiNa bona datiNa mampeulai peundeana UmaNgku? Pekirimu iti pekiri manusia, bara pekirina Pue Ala.”

Markus 1:13

Ia maida inditi iba pulona alona, kamahaena, i olonda binata maila, hai nakelo Datu Tokadake. Hai Ia rarora malaeka.

Lukasi 10:18

Nauli Yesu, “Kuitami Datu Tokadake manawo hangko i langi nodo kila!

Lukasi 11:18

Nodo wori i kadatua seta. Niuli, mampopelohoNa seta hai kuasa hangko i Beelsebul, datunda ope-ope seta. Agaiana ane Datu Tokadake moewa hangka tokadakena, batena ina magero kadatuana.

Lukasi 13:16

Inde, ara hadua towawine au pemuleana wori Burahima; hampulomi hai ualu parena nahilu Datu Tokadake. Bara pae hintoto ane towawine ide rakabaha hangko i karatakana i Alo Pengkarooangaa?”

Lukasi 22:3

Roo indo, Yudasi au rahanga wori Iskariot, hadua hangko i topeguruna Yesu au hampulo hai rodua, napesuangimi Datu Tokadake.

Lukasi 22:31

Roo indo, Yesu mouliangaa Simo Peturu, “Simo! Nupehadingi: Datu Tokadake rawei mpuumi katepaka mokelokau. Nodo pare au ratapihi, ina tepatani au wara hai au moihi.

Lukasi 4:8

Nahanai Yesu, “I lalu Sura Malelaha teuki node: ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Yohane 13:27

Kanadokona Yudasi roti iti, mesuami Datu Tokadake i laluna. Roo indo, nauliangaa Yesu, “Apa au ina nubabehi, nubabehimi holiga.”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

1 Korintu 5:5

bona nihuhu peami tauna iti i kuasana Datu Tokadake. Lempona, nitudumi meloho hangko i olomi, hai ineemi nipogaloa. Mewali watana molambi pehuku agaiana tanoanana molambi katuwo maroa i kahawena Pue Yesu.

1 Korintu 7:5

Ikamu tohamboko, ineekau mombekaraohi alana barapokau moluhi. Ba tauli ane popakanoto sambelamimi, lawi nipeinao bona peisakau mekakae. Agaiana roo iti, hangangaa moluhi mbulikau bona datikau nakelo Datu Tokadake mobabehi sala anti kadana nibuku morempeki peundeana lalumi.

2 Korintu 11:14

Bara tapotingkara babehianda, lawi nodo wori babehiana Datu Tokadake au mobaliki watana mewali nodo hadua malaeka au mewangka.

2 Korintu 12:7

Mewali, anti karumihina kamaroana hinangka au napatongawa Pue Ala, Ia moweina haki au morumpa watangku bona datina mampemahile. Haki ide peisa rapandiri nodo dui i watangku ba nodo hadua hawina Datu Tokadake au hawe iriko bona mampopeahi-ahina.

2 Korintu 2:11

Ido hai kuuli agina taampungi woia bona dati ara katepakana Datu Tokadake mokeloke. Lawi taisa, Datu Tokadake iti mapande moakalangi tauna bona manawohe i dosa.

Yakobu 4:7

Ido hai kuweikau lolita: mengkorukau i Pue Ala hai niewa Datu Tokadake hai batena meloho hangko irikamu.

1 Peturu 5:9

Hangangaa niewa mpuu hangko i pepoinalaimi au maroho. Lawi niisa: halalumi hampepepoinalai i humalele dunia molambi worihe kapari nodo au nihumba.