Matiu 28:9 - Sura Malelaha

⁹ Bila-bila Yesu hawemi i olonda towawine iti, hai Natabehe. Maimohe hungku-hungku, mokalapui bitiNa hai menomba Iria.

Matiu 28:9 Mawu Ofanana

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Matiu 23:7

Matanahe ane rabilahe tauna i pobalu-balua hai ane rakakiohe ‘Guru.’

Matiu 28:10

Yesu mouliangaahe, “Ineekau langa! Laomokau niuliangaahe halaluNgku bona laohe i Galilea, lawi ina raitaNa indolou.”

Matiu 28:17

Inditi, moita mpuumohe Yesu, hai menombahe Iria. Agaiana ara wori au bata-bata mani lalunda.

Matiu 28:8

Hoholigahe towawine iti padu hangko i talumba. Langa mpuuhe, agaiana matana worihe. Melangkamohe lao i topeguruna Yesu lawi rapeinao mopahawe apa au mewali.

Lukasi 1:28

Kahawena malaeka iti i Maria, mololita nauli, “Tabea. Oiomi au napilei Pue Ala molambi pewati! Pue Ala au mamporangaiko!”

Lukasi 24:52

Molingkudumohe menomba Iria, pane mesulehe i Yerusale hai matana mpuu lalunda.

Lukasi 7:38

Maimi towawine iti hungku-hungku i bitina Yesu. Ia moteria, pane mowurui bitina Yesu hai owai matana. Roo nodo, nabowohimi weluana napopoumpahi. Moangki wori bitina Yesu hai nalanaimi lana mawongi.

Yohane 12:3

Tanganda maande, hawemi Maria moanti habotolo lana mawongi. Lana mawongi iti rababehi hangko i uaka kau au mawongi, hai masuli holona. Maria motidoroha lana mawongi iti i bitina Yesu, liliu naumpahi hai weluana. Humalele sou iti mewali mawongi.

Yohane 20:19

Kaindina i alo Minggu iti, topeguruna Yesu moguluhe i lalu sou hai ragili babana, lawi langahe i tadulakonda to Yahudi. Unga pea ara Yesu meangka i olonda, hai Natabehe, Nauli, “Roa ngkatuwo hawe irikamu.”

Yohane 20:28

Nauli Tomas, “Oiomi Ampuku hai Pue Ala au kupenombai!”

2 Korintu 13:11

Kahopoana halalu, hangangaa matana-tanakau. Nipakaroho peulami i Pue! Nipeulai paturongku! Hangangaa hampepekirikau hai tuwo mohintuwukau. Pue Ala ina mamporangaikau, mampopaitaakau ahiNa, hai moweikau roa ngkatuwo.

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.