Matiu 28:8 - Sura Malelaha

⁸ Hoholigahe towawine iti padu hangko i talumba. Langa mpuuhe, agaiana matana worihe. Melangkamohe lao i topeguruna Yesu lawi rapeinao mopahawe apa au mewali.

Matiu 28:8 Mawu Ofanana

Matiu 28:7

Mewali, laomokau hoholiga, niuliangaahe topeguruNa katuwona hulemi Yesu. Hai Ia moiorumi lao i tampo Galilea. Ia ina niita inditi. Nikatuinao apa au kuuliangaakau ide!”

Matiu 28:9

Bila-bila Yesu hawemi i olonda towawine iti, hai Natabehe. Maimohe hungku-hungku, mokalapui bitiNa hai menomba Iria.

Markus 16:8

Melangkamohe towawine iti mopalehi talumba, lawi langa hai tingkarahe. Anti kalanganda, bambari iti bara rapopololita i hema pea.

Yohane 16:20

Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.