Matiu 27:3 - Sura Malelaha

³ Yudasi au mampobalu Yesu, moisami kaina rahuku matenami Yesu, mewali menosomi. Ido hai laomi i kapala-kapala tadulako mpenomba hai totosaenda to Yahudi mampopesule doi pera au talu pulona pekana,

Matiu 27:3 Mawu Ofanana

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Yohane 13:27

Kanadokona Yudasi roti iti, mesuami Datu Tokadake i laluna. Roo indo, nauliangaa Yesu, “Apa au ina nubabehi, nubabehimi holiga.”

Yohane 18:3

Mewali laomi Yudasi i bonde iti hihimbela hai hamporangaa surodadonda to Roma hai topokampai Souna Pue Ala au rapohawaahe kapala-kapala tadulako mpenomba hai toParisi lao mohaka Yesu. Moantihe parewa pombeala, lantera hai hulu.

Suro 1:18

(Yudasi iti au moholo tampo au napotalumba hai doi hurungina babehiana au kadake. Inditimi, ia manawo hai mate, pane mabeto taina hai mabubu ope-ope ihi laluna.

2 Korintu 7:10

Lawi ara kasusa lalu au moula peundeana Pue Ala, hai kasusa iti moantike menoso hangko i babehianta au kadake, alana Pue Ala mohoremake hangko i huku dosanta. Kasusa iti inee tapenosoi, agaiana tapokatanari. Agaiana ane masusa lalunta nodo i tauna au bara mepoinalai i Pue Ala, kasusa iti barake moanti menoso hangko i babehianta au kadake, alana molambike kapate au mogaakike hangko i Pue Ala.