Matiu 27:2 - Sura Malelaha

² Roo indo, Yesu rahilu taieNa hai raanti lao i lindona Gubernur Pilatu.

Matiu 27:2 Mawu Ofanana

Matiu 20:19

Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Matiu 28:14

Ane lolitami iti nahadi Gubernur, ikami rai au mololita iria bona ineekau rapopoapa.”

Lukasi 13:1

I tempo iti, arahe tauna au mopahawe i Yesu kana i bahangkia to Galilea au napapate Pilatu tanganda mohuhu popenombanda i Pue Ala.

Lukasi 20:20

Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu.

Lukasi 23:1

Roo indo, laomohe ope-ope tadulako iti hai moantihe Yesu i lindona Gubernur Pilatu.

Lukasi 23:12

I alo iti, Herode hai Pilatu mombepomaroamohe, lawi hangkoia moiwalihe.

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Yohane 18:12

Hangko inditi, surodadonda to Roma hai tadulakonda, hai topekampai au ratudu tadulakonda to Yahudi, laomohe mohaka Yesu. Ia rahilu

Yohane 18:24

Hangko inditi, Hanas motuduhe topekampai moanti Yesu lao i Tadulako Mpenomba Mahile Kayapas. I tempo iti, taiena Yesu tehilu mani.

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Suro 12:6

I wengi hangko damani naanti Herode i lindona tauna bosa, Peturu maturu rapaitangai rodua surodado. Taiena rataka hai rante. Ara wori surodado ntanina au mokampai baba tarunggu.

Suro 21:33

Kapala tadulako surodado iti lao mohaka Paulu hai motudu surodadona bona motaka taiena Paulu hai rante. Roo indo, ia mekune, “Hema tauna ide? Apa au nababehi?”

Suro 22:25

Hawemohe inditi, ratakami Paulu bona rapapahai. Ido hai mololitami Paulu i hadua tadulako surodado au ara i holana, nauli, “Peisa pae hadua to Roma rapapahai ane bara mani raparesa hai rabotusi kara-karana?”

Suro 22:29

Roo nodo, mousulimohe tadulako surodado au ina moparesa Paulu hai langa worimi kapala tadulako surodado iti. Lawi iami au motudu tauna mohilu Paulu, agaiana i tempo iti bara naisa katoRomana.

Suro 24:27

Liumi rompare, Gubernur Feliks napahurumi Perkius Festus. Anti kanapeinaona Feliks mangala lalunda to Yahudi, ido hai Paulu napogiangaa ratarunggu liliu.

Suro 28:20

Kukakiokau maina nipohidupaa lawi kupeinao kupololitaakau kana i pepoinalaingku i Datu Topehompo au rapepegiami to Yahudi. Ido hai pane ratahana inde.”

Suro 3:13

Pue Ala au rapenombai toiorunta hangkoia, au rapenombai Burahima, Isaki hai Yako, Pue Ala itimi au mopakahile TuduaNa, iami Yesu. Halalu-halalu, Yesu iti au nihuhu i topoparenta, hai au nisapuakami i lindona Pilatu i tempona ina nakabaha.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.

Suro 9:2

merapi sura kuasa au peisa naanti lao i tadulako sou penombaa i wanua Damsik. Tunggaiana ane arahe nahumba tobalilo ba towawine au mampeulai paturona Yesu, ina nahakahe hai naantihe i Yerusale.

1 Timotiu 6:13

Mewali Timotiu, i lindona Pue Ala au mopatuwo hinangkana, hai i lindona Kerisitu Yesu au mopahawe notoNa i Pontiu Pilatu kuuliangaako:

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.