Matiu 27:17 - Sura Malelaha

¹⁷ Mewali, i pohudana Pilatu mobotusi kara-karana Yesu, bosa tauna teruhu. Napekunehe Pilatu, “Hema au niunde kukabahaakau pare ide? Yesu Baraba, ba Yesu au rahanga Kerisitu?”

Matiu 27:17 Mawu Ofanana

Matiu 1:16

Yako mopaara Yusupu tobalilona Maria. Maria itimi au mampoanaka Yesu au rahanga Kerisitu.

Matiu 27:16

Mewali, pare iti, ara hadua toratarunggu au raisa mpuu tauna bosa, hangana Yesu Baraba.

Matiu 27:18

Pilatu manguli nodo lawi naisa tunggaianda tadulakonda to Yahudi au mohuhu Yesu iria anti kamahinana lalunda.

Yohane 19:15

Monganga-ngangamohe, rauli, “Papate! Papate! Papate i kau mombehape!” Nauli Pilatu, “Nipopepaku pae i kau mombehape ide datumi?” Rahanai kapala-kapala tadulako mpenomba, “Kaisar pea datungki.”

Yohane 4:25

Nauli towawine iti, “Au kuisa, ina hawe Datu Topehompo, au rauli wori Kerisitu. Ane hawe, Iami au ina mampopaisa irikami hinangkana au ara.”