Matiu 26:75 - Sura Malelaha

⁷⁵ Nakatuinaomi Peturu lolitana Yesu au mouliangaa, “Hangko damani motuturua manu, talumi belaNgku nusapuaka.” Padumi Peturu lao i raoa, hai moteriami monggoro-nggoro lawi masusa laluna.

Matiu 26:75 Mawu Ofanana

Matiu 10:33

Agaiana hema au mosapuaka peulana Iriko i lindonda tauna, ia wori ina Kusapuaka i UmaNgku au ara i suruga.”

Matiu 26:34

Nauli Yesu, “Kuuliangaako, wengi ide hangko damani motuturua manu, talumi belana nusapuakaNa.”

Matiu 26:74

Mosumpa mbulimi Peturu, nauli, “Mate-materaina! Bara mpuu kuisa!” I tempo iti, motuturuami manu.

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

1 Korintu 4:7

Ba niuli maroa lalumi hangko i rangami? Apa pae au ara irikamu au bara nidoko hangko i Pue Ala? Moapari hai mampemahilekau ane ope-ope au ara irikamu au nawei peakau Pue Ala?

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.