Matiu 26:69 - Sura Malelaha

⁶⁹ I tempona Peturu mohuda i tabangaa, maimi hadua towawine au mobago i souna Tadulako Mpenomba Mahile mouliangaa Peturu, “Bara pae oio wori hadua rangana Yesu to Galilea iti?”

Matiu 26:69 Mawu Ofanana

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Matiu 26:3

I tempo iti, kapala-kapala tadulako mpenomba hai totosaenda to Yahudi mogulumohe i souna Tadulako Mpenomba Mahile au rahanga Kayapas.

Matiu 26:58

Peturu meula ngkarao pea, duuna hawe i tabangaa souna Tadulako Mpenomba Mahile. Ia mesua i tabangaa, mohuda hihimbela hai topekampai, lawi mampeinao moita ba apa au ina mewali i Yesu.

Matiu 26:70

Agaiana nasapuakami Peturu i lindonda ope-ope, nauli, “Bara kuisa apa au nuuli!”

Matiu 26:71

Hangko inditi lao worimi Peturu meangka hungku i babaka. Ara wori hadua towawine au moita ia hai mouliangaahe tauna au inditi, “Ia ide hihimbela wori hai Yesu to Nasare iti.”

Yohane 1:46

Mehana Natanael, nauli, “Ara wori pae au maroa hangko i boea Nasare?” Nauli Pilipu, “Maimoko bona nuita!” Lao mpuumohe i Yesu.

Yohane 7:41

Hanggaa worihe manguli, “Ia idemi Datu Topehompo!” Agaiana ara worihe au manguli, “Ia to Galilea! Datu Topehompo bara mai mesupa hangko i Galilea.

Yohane 7:52

Mehanahe rangana, rauli, “Ba to Galilea woriko! Nuwile hai nuparesa i lalu Sura Malelaha. Bara ara nabi au mesupa hangko i Galilea.”

Suro 5:37

Hambela tempo, i poimba tauna, ara hadua to Galilea, hangana Yudasi. Ia moanti wori bosa tauna moewa topoparenta. Agaiana bara mahae ia rapapate, hai topeguruna mahawu worihe.