Matiu 26:40 - Sura Malelaha

⁴⁰ Roo indo, lao mbulimi i topeguruNa au talu, Nalambihe tanganda leta. Nauli i Peturu, “Peita! Mogalori hajaa pea, bara nibuku mojaga-jaga hihimbela hai Iko!

Matiu 26:40 Mawu Ofanana

Matiu 25:5

Agaiana anti kamahaena toratauna tobalilo iti rapepegia, alana maleluemohe anantowawine iti, hai kahopoana leta hahamohe.

Matiu 26:35

Nauli Peturu, “Kehapirina mate hihimbela hai Oio, bara mpuu ina kusapuaka kakuisaMu!” Nodo wori pololitanda topeguruNa ntanina.

Matiu 26:38

Nauliangaahe, “Mapari mpuu laluNgku, nodoNa ina mate Kuhadi. Indemokau hampai, niporangaiNa mekakae. Ineekau leta!”

Matiu 26:41

Mainga-ingamokau hai mekakaemokau datikau narumpa pekelo. I lalumi niunde mpuu mobabehi au manoto, agaiana bara nibuku lawi watami batena malede.”

Matiu 26:43

Roo indo, mesule mbulimi mampombelambia topeguruNa. Leta mbulihe anti kamaleluenda.

Markus 14:37

Roo indo, lao mbulimi i topeguruNa au talu, Nalambihe tanganda leta. Nauli i Peturu, “Simo! Ba letarikau pae? Mogalori pae hajaa bara nibuku mojaga-jaga?

Lukasi 22:45

Roo mekakae, meangkami Yesu lao i topeguruNa. Nalambihe tanganda leta anti kawiorana mpuu lalunda.

Lukasi 9:32

I tempo iti, letahe Peturu hai rangana. Pearonda, moitamohe Yesu, meawa mpuu wataNa, hai rodua tauna arahe i holaNa.