Matiu 26:25 - Sura Malelaha

²⁵ Hangko inditi, nauli wori Yudasi au ina mampobalu Yesu, “Bara pae iko au Nutunggai Guru?” Nahanai Yesu, “Nodo pangulimu!”

Matiu 26:25 Mawu Ofanana

Matiu 23:7

Matanahe ane rabilahe tauna i pobalu-balua hai ane rakakiohe ‘Guru.’

Matiu 23:8

Agaiana ikamu, ineekau mampeinao rabila hai rakakio ‘Guru,’ lawi hadua pea gurumi, iami Kerisitu, hai ikamu ope-ope topohalalu peakau.

Matiu 26:14

I tempo iti, hadua hangko i topeguruNa au hampulo hai rodua, au rahanga Yudasi Iskariot, lao i kapala-kapala tadulako mpenomba,

Matiu 26:49

Mewali, kahawenda inditi, laomi Yudasi mampohidupaa Yesu, nauli, “Ngkaia tabea, Guru!” hai naangki.

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Matiu 27:11

Roo indo, Yesu raanti i Gubernur Pilatu hai rapopeangka i lindona. Pilatu mekune Iria, nauli, “Datunda mpuuKo pae to Yahudi?” Nahanai Yesu, “Tou, nodo au nuulimi.”

Lukasi 22:70

Rauli mbuli tadulako iti i Yesu, “Ba Anana mpuuKo Pue Ala?” Nahanai Yesu, “Tou mpuu, nodo au nuuli iti.”

Yohane 18:37

Nauli mbuli Pilatu, “Ane nodo, tou mpuu pae datuKo?” Nauli Yesu, “Nodo au nuuli Iko ide datuNa. Ido hai rapoanakaNa i dunia ide bona mopahaweNa apa au tou. Tauna au naunde moula apa au tou, mampehadingihe lolitaNgku.”

Yohane 4:31

Tangana towawine iti lao i boea, mololitamohe topeguruna Yesu, rauli, “Guru, maandemoke.”