Matiu 26:10 - Sura Malelaha

¹⁰ Naisa Yesu pekirinda, ido hai Nauliangaahe, “Moapari hai nipakasusa laluna towawine ide? Apa au nababehi Iriko, maroa.

Matiu 26:10 Mawu Ofanana

Matiu 26:11

Ane tauna au meahi-ahi, ara mani katepakami motulungihe lawi ara mpaliliuhe irikamu. Agaiana Iko, baraNa ara liliu irikamu.

Matiu 26:9

Aginami rapobalu bona holona raweihe tauna au meahi-ahi.”

Markus 14:6

Agaiana Nauliangaarihe Yesu, “Pogiangaa peamide. Moapari hai nipakasusa laluna? Apa au nababehi Iriko, maroa.

Lukasi 8:49

Tangana mani Yesu mololita, hawemi hadua suro hangko i souna Yairus au mouliangaa Yairus, “Tua, anamu matemi. Ineemoko mopakasusa Guru.”

2 Korintu 9:8

Hai Pue Ala ina moweikau hinangkana pewati duuna barapi ara kamakurami bona nibuku mampopolumao hinangkana bago motulungi rangami.

Galatia 1:7

Katouana paturo iti bara peisa mopahaweake noumba rara molambi katuwo maroa hangko i Pue Ala, batena pea Ngkora Marasa au kipahaweakau. Ide-ide arahe tauna au hawe i olomi au mopawulikau hai paturonda au sala, tunggaianda mampeinaohe mobaliki Ngkora Marasa kana i Kerisitu.

Galatia 5:12

Aginami tauna au mopawuio pepoinalaimi bara peahe ratile agaiana rabohokilau peami!

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Epesu 2:10

Pue Ala mampopewalimoke manusia au wou anti pohintuwuta hai Kerisitu Yesu bona mobabehike apa au maroa moula tunggaiaNa irikita au Napasilolongami hangkoia.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

1 Timotiu 3:1

Tou mpuu lolita au manguli node: tauna au mampeinaohe mewali penatua, mohaokihe bago au maroa.

1 Timotiu 5:10

Hangangaa au manoto babehianda, pandirina: hangkoia mokadipura maroamohe ananda, matanahe modoko torare i sounda, motulungihe halalunda hampepepoinalai, mokadipurahe tauna au i lalu kapari, hai mobabehihe hinangkana bago au maroa.

2 Timotiu 2:21

Mewali, ane mokabahake babehianta au kadake, mewalike nodo parewa au maroa, au rapake modoko torare au rabila. Lempona, mewalike topobago au malelaha hai au mobundu i Pue, hai masilolonga peamoke mampopolumao hinangkana bago au maroa.

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

Titu 2:14

Yesu mokirami wataNa rapapate mohuru dosanta bona Nakabahake hangko i ope-ope babehianta au kadake, hai Napopewalike taunaNa au malelaha hai au madota mobabehi au maroa.

Titu 3:1

Nupopaingaahe to Sarani au ara inditi bona mengkoruhe i topoparenta hai i totosae boea. Hangangaa mampeulaihe hawanda topoparenta hai mampopolumaohe ope-ope bago au maroa.

Titu 3:14

Halalunta hampepepoinalai hangangaa mampopolumao liliuhe bago au maroa bona molambihe apa au raparaluu alo-alona, hai bona tuwonda bara mbero-mbero.

Titu 3:8

Tou mpuu lolitangku inona. Ido hai kuperapi bona paturo ide nupakanotoahe ope-ope tauna au mepoinalai i Pue Ala bona mobabehi liliuhe apa au maroa. Paturo ide iami paturo au maroa, hai au mobundu i ope-ope tauna.

Ibarani 13:21

Kuperapi bona handa kaNaparewaimi i hinangkana au maroa bona peisakau mobabehi peundeaNa. Kuperapi bona anti pohintuwuta hai Yesu Kerisitu, Pue Ala mobago i lalunta bona Napokatana mpuuke. Tatoiami Pue Yesu hawe i hae-haena. Amin.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.