Matiu 25:42 - Sura Malelaha

⁴² Lawi i tempoKu marimi, baraNa nipaande. MangkadouNa, baraNa nipaenu.

Matiu 25:42 Mawu Ofanana

Matiu 12:30

Hema au bara hihimbela hai Iko, iami iwaliNgku. Hema au baraNa motulungi mobago, iami au moewaNa.

Matiu 25:35

Lawi i tempoKu marimi, nipaandeNa. MangkadouNa, nipaenuNa. MoliuNa i soumi, nipopehupeNa.

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:43

MelempoNa i soumi, baraNa nipopehupe. Bara ara hampiKu, baraNa nihampii. MahaiNa, baraNa nipakulii. TangaNgku ratarunggu, baraNa nisondaki.’

Matiu 4:2

Indo, Yesu mopuasa iba pulona alona hai iba pulona wengina kamahaena, ido hai marimimi.

Yohane 14:21

Tauna au modoko hai moula hawaNgku, ia au mampokaahiNa. UmaNgku mampokaahi tauna au mampokaahiNa, hai Iko wori mampokaahi tauna iti, hai Kupatongawaa wataNgku.”

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

1 Korintu 16:22

Tauna au bara mampokaahi Pue Yesu, hararamohe i Pue Ala. Maranata! MaimoKo, Pue!

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

1 Yohane 4:20

Hema au manguli, “Mampokaahina Pue Ala,” agaiana bara mampokaahi halaluna, modongkomi. Lawi ane halaluna bara napokaahi, apa mani Pue Ala au bara naita.