Matiu 25:36 - Sura Malelaha

³⁶ Bara ara hampiKu, nihampiiNa. MahaiNa, nipakuliiNa. TangaNgku ratarunggu, nisondakiNa.’

Matiu 25:36 Mawu Ofanana

Matiu 25:37

Mehanahe au ntanda i koanaNgku, rauli, ‘Pue, impiraKo kiita marimi hai kipaandeKo, ba mangkadouKo hai kipaenuKo?

Matiu 25:43

MelempoNa i soumi, baraNa nipopehupe. Bara ara hampiKu, baraNa nihampii. MahaiNa, baraNa nipakulii. TangaNgku ratarunggu, baraNa nisondaki.’

Lukasi 3:11

Nahanai Yohane, “Hema au morontau baduna, hantau hangangaa nawei i tauna au bara ara baduna. Nodo wori, hema au ara paandena, hangangaa nakiraia i tauna au marimi.”

Suro 20:35

I paka-pakana, kupopaitaamokau noumbake hangangaa mobago bona motulungike ranganta au bara rabuku. Nikatuinao liliu lolitana Pue Yesu au manguli, ‘Morasimi tauna au mokira pane tauna au modoko.’ ”

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.