Matiu 25:14 - Sura Malelaha

¹⁴ “Ane hawe suleNa, pewalina nodo ngkora pandiri ide: hadua tuana ina lao i wanua au karao. Hangko damani padu, mokakio hawina hai naweihe doi rapopolumao bona ara anana.

Matiu 25:14 Mawu Ofanana

Matiu 21:33

Napaliliu Yesu lolitana i tadulako agama Yahudi, Nauli, “Pehadingi wori ngkora pandiri ide. Ara hadua ampu bonde au motudai bondena hai anggoro. Ampu bonde iti mokadipura bondena hai rawala mantoleli. Nababehi worimi popiengaa anggoro hai bambaru pokampaia. Roo indo, nasarohe bahangkia tauna mokampai, hai laomi modaga i tampo au karao.

Markus 13:34

Ane hawe suleNa, pewalina nodo ngkora pandiri ide. Hadua ampu sou motunggai lao i wanua au karao. Hangko damani meangka, mampohawaamohe taunana mokadipura souna, hadua-haduahe nawei bagonda. I topokadipura baba, nauliangaa: ‘Mainga-ingako!’

Lukasi 20:9

Roo indo, Yesu mopahawe hampaka ngkora pandiri i tauna bosa, Nauli, “Ara hadua tauna au motudai bondena hai anggoro. Ampu bonde iti mosaro bahangkia tauna mokadipura bondena i tempona padu lao i boea ntanina, lawi tunggaiana mahae haodi maida inditi.

1 Korintu 12:4

Inao Malelaha moweike paka-pakana kapande mampopolumao bagona Pue Ala. Ikita hadua-hadua molambike kapande au montani-ntani, agaiana hinangka kapande iti, naweike Inao Malelaha.

1 Korintu 3:5

Iko hai Apolo, hawina peangkai Pue Ala au moninikau bona mepoinalaikau i Pue Yesu. Ikami hadua-hadua mampopolumao bago au naweingkai Pue.

Epesu 4:11

Iami au mokira-kira pewati i ope-ope tauna au mepoinalai Iria: arahe au Napopewali suroNa, arahe au Napopewali nabi mopahawe lolitaNa, hai ara worihe au Napopewali topobambari Ngkora Marasa, guru jumaa, hai guru agama.