Matiu 24:7 - Sura Malelaha

⁷ I tempo iti, tohangamba ina mombeala hai tohangambana, kadatua hambua ina moewa kadatua hambuana, hai iumba-iumba pea ara rimi hai linu.

Matiu 24:7 Mawu Ofanana

Lukasi 21:11

Iumba pea ina ara linu rimihi, haki, hai rimi. Hai batena ara wori tanda i langi au melangaki.

Suro 11:28

Hadua hangko i olonda nabi iti rahanga Agabus. Anti kuasa au nahumba hangko i Inao Malelaha, meangkami Agabus mopahawe kaina arana rimi mahile i humalele Kadatua Roma. (Rimi iti tou-tou mpuu mewali i tempo poparentana Datu Mahile Klaudius i Roma.)

Suro 2:19

Ina kupopaitaakau au metingkarai i langi hai tanda kuasa i dunia, nodo wahe hai api hai rambu au moramuku.

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.

Pampetudungia 6:12

Roo indo, kuita Ana Dimba iti mobungkahi pene au kaini. Unga pea kelinu rumihi, alo mewali maeta nodo buri, hai wula mewali malei nodo wahe.

Pampetudungia 6:5

Ana Dimba mobungkahi mbuli pene au katalu, hai kuhadimi pinatuwo au kataluna manguli, “Maimoko!” Kuita mbulimi hambaa dara. Dara iti maeta. Au mesawi i dara iti mokingki hambua timbanga.

Pampetudungia 6:6

Hai liliu kuhadi nodo tauna au mololita i olonda pinatuwo au iba iti manguli, “Saro hangalo peisa pea rapopeholo pare bae hakilo, ba talu pea kilo gogoa. Agaiana lana saitun hai anggoro inee nupakarugi.”

Pampetudungia 6:8

Kuita hambaa dara au mabada-bada. Tauna au mesawi i dara iti rahanga “Kapate,” hai au meusu i bokona rahanga “Paidaa Tomate.” Ihira iti raweihe kuasa mopapate hangkira iba hangko i ope-ope tauna. Arahe au rapapate i lalu pombeala, arahe au mate laloara, arahe au mate narumpa haki, hai arahe au rapapate binata au maseke.