Matiu 24:45 - Sura Malelaha

⁴⁵ “Nipailalu ngkora pandiri ide: ara hadua hawi au manoto laluna hai au peisa napoinalai ampuna. Ia naangka ampuna motosaengi hawi ntanina hai mourusi paandenda alo-alona.

Matiu 24:45 Mawu Ofanana

Matiu 10:16

“Maroa-roakau, lawi Kutudukau lao i tauna au kadake. Ikamu ina nodo dimba i olonda serigala. Hangangaa mapande-pandekau nodo ile, agaiana hangangaa nipamaalusu wori poantimi nodo tadasi manggebodo.

Matiu 13:52

Hangko inditi, Nauliangaa mbulihe, “Ane nodo, ara mbuli hampaka ngkora pandiriKu: ane ara hadua guru agama to Yahudi au meula Iriko hai au rapaguru paturo kana i poparentana Pue Ala, guru agama iti peisa rapandiri nodo ampu sou au ara anu-anuna au hae hai ara wori anu-anuna au wou.”

Matiu 24:46

I pesulena ampuna, morasi mpuu katuwona hawi iti ane nahumba tangana mampopolumao bagona.

Matiu 25:2

Limahe au ntuli, limahe au mapande.

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 25:23

Nauli ampunda iti, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 7:24

“Hema au mampehadingi lolitaNgku hai napeulai, peisa rapandiri nodo hadua tauna au mapande; ia moaro souna i wongko watu au maroho.

Lukasi 19:17

Nauli datu iti: ‘Maroa mpuu kanupopolumaona bago au kuweiko. Oio hawi au maroa. Mewali, anti kamanotomu i bago au koi, ina kupoinalaiko motadulakoi hampulo boea.’

Suro 20:28

Maroa-roakau datikau madosa, hai nikadipura maroa ope-ope jumaa au napoinalaiakau Inao Malelaha. Hangangaa nikadipurahe, nodo hadua toporewu mamporewu dimbana, lawi Anana Pue Ala mate mobaiari huku dosanda bona mewalihe taunana Pue Ala.

1 Timotiu 1:12

Kuuli ngkaia kamaroana i Amputa Kerisitu Yesu, lawi Naweina karoho, Napoinalaiana mampopolumao bagoNa, hai Naangkana mewali topobagoNa.

2 Timotiu 2:2

Ope-ope paturo au nuhadimi hangkoia hangko iriko, i lindonda tauna bosa, hangangaa nupaturoa worihe tauna ntanina au peisahe rapoinalai hai au rabuku mopaguru tauna ntanina.

Ibarani 3:5

Musa matundu mampopolumao bagona i souna Pue Ala nodo hadua topobago mampobagoa ampuna, hai mosabi kana i apa au ina napahawe Pue Ala.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.