Matiu 24:30 - Sura Malelaha

³⁰ I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Matiu 24:30 Mawu Ofanana

Matiu 24:3

Roo indo, laomi Yesu i Bulu Saitun. Tangana mohuda-huda haduduana, hawemohe topeguruNa mekune Iria, “Impira pewalina au Nuuli inona?” Hai mekune mbulihe, rauli, “Tanda apa au ina mewali i kahaweMu i kahopoa dunia ide?”

Matiu 24:37

Apa au mewali i tempona nabi Noho hangkoia, ina mewali wori i alo kahaweaNgku Iko Ana Manusia.

Matiu 24:39

Nabalumbangiraihe owai, hangko raisari apa au mewali. Nodo wori kamampomaleanda tauna i kahaweNgku hule Iko Ana Manusia i dunia.

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Markus 13:26

I tempo iti, ope-ope tauna ina moitaNa, Ana Manusia, mendaulu mai i lalu gawu, i lalu kamakuasa hai peawa.

Markus 13:4

rauli, “Mekunengkai ba impira pewaliana ope-ope au Nuuli inona. Hai tanda apa au ina mewali ane hawemi tempona mewali?”

Lukasi 21:27

I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa.

Lukasi 22:69

Mewali, idemi pehanaNgku: barapi mahae Ana Manusia ina mohuda ntanda i koanana Pue Ala au makuasa.”

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Pampetudungia 12:1

Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.