Matiu 23:16 - Sura Malelaha

¹⁶ Batena ina marugikau! Nodokau tobilo au mampeinao monini rangana! Ikamumi au mewali guru agama, agaiana nipakanawo peahe tauna bosa hai paturomi au bara tou. Mepaturokau node: ane ara hadua tauna au modandi hai mosumpa mokabelai Souna Pue Ala, niuli bara tetaka hai sumpana iti. Agaiana ane mokabelai bulawa au i lalu Souna Pue Ala, tetaka hai sumpana iti.

Matiu 23:16 Mawu Ofanana

Matiu 23:13

Hurewumokau, guru agama hai toParisi! Batena ina molambikau rugi, lawi maroa i raoa peakau! Bara niunde mampeulai paturoNgku bona mewalikau taunana Pue Ala i lalu poparentaNa. Hai tauna ntanina au mau, nikonto.

Matiu 23:17

Ntuli hai bilo mpuukau! Umba au meliu peawana, bulawa ba souna Pue Ala au mopamalelaha bulawa iti?

Matiu 23:19

Nodo mpuukau tobilo! Ba niuli, popenomba meliu pane meja pohuwea popenomba? Bara, lawi meja itimi au mopamalelaha popenomba au i wongkona.

Matiu 23:24

Ikamu nodo tauna au moingihi dale hangko i owai au nienu, agaiana hambaa onta niame pea. Ikamu nodo tobilo au mampeinao monini rangana.

Matiu 23:26

Ikamu toParisi, nodo mpuukau tobilo! Hangangaa nibahoi hampai laluna paenuami bona malelaha wori i raoana.

Galatia 5:3

Hai kuuliangaa mbulikau: hema pea au mampopetile, hangangaa mampeulai worihe ope-ope parenta ntanina i lalu Aturana Musa.

Yakobu 5:12

Halalu-halalu! Hangko i ope-ope paturongku, idemi au paraluu ntepuu: ineekau mosumpa mokabelai langi ba tampo ba apa pea au ntanina. Ane tunggaiami manguli io, niuli “Io.” Ane tunggaiami manguli bara, niuli “Bara,” datikau narumpa pehuku.