Matiu 22:13 - Sura Malelaha

¹³ Hangko indo, datu iti motuduhe hawina, nauli: ‘Nihilu bitina hai taiena, hai nitende i raoa i lalu kakaindiana! Inditi, ia ina moteria hai mantodiha.’ ”

Matiu 22:13 Mawu Ofanana

Matiu 12:29

Datu Tokadake peisa rapandiri nodo hadua tauna au maroho. Ane mesuake i lalu souna tauna iti hai mampeinaoke morampaki ihi souna, hangangaa tahilu hampai ampu sou iti, hangko peisari tarampaki anu-anuna. Nodo wori, ane Iko mampopeloho seta, lempona, Kunangimi Datu Tokadake.

Matiu 13:30

Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 13:42

Ope-ope tauna iti ina ratendehe i lalu api au lolaa. Inditi, ina moteria hai mantodiha liliuhe.

Matiu 13:50

Tauna au kadake ina ratende i lalu api naraka. Ihira ina moteria hai mantodiha liliuhe.”

Matiu 24:51

Hawi iti ina napapahai hai natende i raoa nodo hadua topodongko. Inditi, ia ina moteria hai mantodiha.”

Matiu 25:30

Hai hawi au bara mobundu iti, nitendemide i lalu kakaindiana. Inditi ia ina moteria hai mantodiha liliu.’ ”

Matiu 8:12

Katouana, ketoYahudirihe au hintoto mewali taunana Pue Ala i lalu poparentaNa. Agaiana bosahe ina ratende i lalu kakaindiana au karao hangko i Pue Ala. Inditi, ina moteria hai mantodiha liliuhe.”

Lukasi 13:28

I tempo iti, ina moitakau toiorumi hangkoia nodo Burahima, Isaki hai Yako hai ope-ope nabi. Ina mohudahe matana-tana i lalu poparentana Pue Ala. Agaiana ikamu ina moteteriakau hai mantodiha liliukau, lawi rapotukoakau baba, hai ikamu i raoa pearaikau.

Yohane 21:18

Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

Suro 7:54

Karahadina tadulako iti lolitana Setepanu, rumpu mpuuhe hai koi inaonda.

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

2 Peturu 2:17

Guru au mepakanawo iti, napasilolongaamohe Pue Ala paidaa au meruu kamakaindina. Ihira peisa rapandiri nodo tibubu au bangi, hai nodo gawu au nawui himburu kebuu agaiana bara mopaara uda.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

Yudasi 1:13

Ihira nodohe balumba tahi au melangaki, au moimborakahe eanda haduduanda. Nodohe betue au bara manoto polumaona, au monontohi kamakaindi au tepasilolongami irihira hawe i hae-haena.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.

Pampetudungia 21:27

Agaiana apa au merikai bara mpuu peisa mesua i lalu. Mewali, tauna au mobabehi dake ba au modongko, barahe peisa mesua. Au peisa mesua, batena pea tauna au teuki hanganda i lalu Surana Ana Dimba, sura poukia hanganda tauna au molambi katuwo maroa au bara mokahopoa.