Matiu 22:11 - Sura Malelaha

¹¹ Mesuami datu mokamata torare, Naita i olonda, ara hadua au bara mehampi posusa.

Matiu 22:11 Mawu Ofanana

Matiu 13:30

Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 22:10

Lao mpuumohe hawi iti i penga-penga rara, mokakio ope-ope tauna au moliu, bara rapopontani au maroa babehianda ba au kadake. Kahopoana, buke mpuumi sou petaunaa hai torare.

Matiu 3:12

Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

2 Korintu 5:3

Paidaa iti iami wata au wou. Tapeinao mopahuru watanta ide hai wata au wou iti datike nodo tanoana au bara mowata.

Galatia 3:27

Lawi ikita ope-ope rariumoke mewali tauna au mohintuwu hai Kerisitu, ido hai manotomoke i peitana Pue Ala hai Naimbamoke himbela hai Kerisitu.

Epesu 4:24

Hai hangko inditi, hangangaa niula babehia wou au hintoto, lawi napopewalimokau Pue Ala manusia au wou, tunggaiana bona manoto hai malelahakau moula poantiNa haduduaNa.

Pampetudungia 16:15

Mewali, tegulu mpuumohe ope-ope datu hai surodadona hangko i humalele dunia, i hambua paidaa au i lalu basa Ibarani rahanga: Harmagedon. Nauli Pue Yesu, “Nipehadingi! Ina haweNa i tempo au bara niisa, lawi kahaweNgku nodo topanangka. Morasihe tauna au mainga-inga hai au masilolonga liliu hampinda. Ane haweNa deade, barahe ina lumao mengkabela hai barahe ina maea, lawi masilolongahe Kukahawei.”

Pampetudungia 19:8

Ia rawei hampi au maluha, au bula meningki hai au mengkila-ngkila.” Hampi bula iti lempona babehianda taunana Pue Ala au maroa.

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.

Pampetudungia 3:18

Ido hai Kuweikau lolita ide: niholomi Iriko bulawa au rapamalelahami i api. Niholo wori Iriko hampi au bula bona mebadukau hai tetabungi eami. Hai niholo wori Iriko pakuli nipoporirohi matami bona meitakau. Ane nodo, ina pebukukau i pepoinalaimi.