Matiu 21:34 - Sura Malelaha

³⁴ Hawemi tempona mopupu wua anggoro, natudumi bahangkia hawina lao merapi kirana hangko i topokadipura bondena.

Matiu 21:34 Mawu Ofanana

Matiu 21:35

Agaiana topokadipura bonde iti mohakahe tauna au natudu ampu bonde: hadua rapapahai, hadua rapapate, hai hadua mbuli rawatui.

Matiu 21:38

Agaiana, i karaitana topokadipura bonde anana ampu bonde iti, mogombomohe, rauli: ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’

Matiu 21:40

Roo indo, mekune Yesu, Nauli, “Mewali, ane hawe hule ampu bonde, apa au ina nababehi i topokadipura bondena?”

Matiu 21:41

Rahanai, “Manoto ia ina mopapate tauna au kadake iti, hai bondena ina nasaroahe tauna ntanina au mounde mowei ihi bondena iria i tempo pepare.”

Matiu 22:3

Napohawaa hawina lao mokakio tauna node: ‘Laomoke maande i posusaa petauna!’ Agaiana ope-opehe au rakakio, barahe mau lao.

Markus 12:1

Roo indo, Yesu mopahawe hampaka ngkora pandiri i tadulakonda to Yahudi, Nauli, “Ara hadua tauna au motuda anggoro i bondena. Tauna iti mokadipura bondena hai nawala mantoleli. Mokaemi kalolu mobabehi popiengaa anggoro, hai naaro worimi bambaru pokampaia. Karoona ope-ope iti napobago, bonde iti naweihe topobagona bona rakadipura hai rakiraia wori wuana. Roo indo laomi modaga.

Markus 12:7

Agaiana, i karaitana topokadipura bonde anana ampu bonde iti, mogombomohe, rauli, ‘Oloumi mai anana, iami au ina mewali ampu bonde ide. Agina tapapate bona taala bondena!’

Markus 12:9

Roo indo, mekunemi Yesu, Nauli, “Mewali, apa au ina nababehi ampu bonde iti? Batena ina mai mopapate topokadipura bondena, hai bondena ina naweihe tauna ntanina.

Lukasi 20:9

Roo indo, Yesu mopahawe hampaka ngkora pandiri i tauna bosa, Nauli, “Ara hadua tauna au motudai bondena hai anggoro. Ampu bonde iti mosaro bahangkia tauna mokadipura bondena i tempona padu lao i boea ntanina, lawi tunggaiana mahae haodi maida inditi.