Matiu 21:31 - Sura Malelaha

³¹ Roo indo, mekune Yesu i tadulako agama Yahudi, Nauli, “Mewali, hangko i anangkoi au rodua iti, hema au mampeulai hawana umanda?” Rahanai tadulakonda to Yahudi, “Au towutu.” Nauli Yesu, “Kana pehanami. Agaiana Kuuliangaakau: tauna au madosa, nodo toperuru asele hai towawine au bara hintoto babehianda, ihirari au ina nadoko Pue Ala mewali taunaNa i lalu poparentaNa, bara ikamu.

Matiu 21:31 Mawu Ofanana

Matiu 12:50

Lawi hema-hema au mobabehi peundeana UmaNgku au ara i suruga, ihirami halaluNgku hai ihirami inaNgku.”

Matiu 18:3

hai Nauliangaahe, “Tou lolitaNgku ide: ane barakau mobaliki babehiami hai mewali nodo anangkoi ide, barakau ina mewali taunana Pue Ala i lalu poparentaNa.

Matiu 20:16

Napahopo Yesu ngkora pandiri iti, Nauli, “Nodo wori i alo pebotusi: bosa tauna au tepaibokoa tuwonda i tempo ide ina mewali tepaiorua i alo au ina mai. Hai bosa wori tauna au mahile tuwonda i tempo ide ina mewali tepaibokoa i alo au ina mai.”

Matiu 21:30

Hangko indo, umana iti lao wori i anana au toadi, nauliangaa: ‘Anangku, laoko mobago i bonde.’ Nahanai anana: ‘Io, laona Uma.’ Agaiana bara lao!”

Matiu 5:18

Tou mpuu au Kuuliangaakau, ope-ope lolita au teuki i lalu Sura Aturana Pue Ala hangangaa mewali. Ane ara mani langi hai dunia ide, batena bara ara hambua lolita i lalu Aturana Pue Ala au bara ina mewali, nauri au koi ntepuu.

Matiu 5:46

Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Matiu 9:9

Roo indo, padumi Yesu hangko inditi. I tanga rara, Ia moita hadua au mohuda i bambaru pobaiaria asele, hangana Matiu. Nauli Yesu iria “Peulamide Iriko!” Meangkami Matiu hai liliu meula Iria.

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 19:22

Nauli datu iria, ‘Oio hawi au kadake! Ina kuhukuko hintoto hai lolitamu haduduamu. Nuisato iko tauna maseke au mampopobago mantimi hawingku, kutuduhe mehua hai mantuda bona iriko haha wuana.

Lukasi 7:29

Lolitana Yesu iti rahadi ope-ope tauna, tepesua toperuru asele. Tauna bosa iti mampokanamohe ope-ope tunggaiana Pue Ala, lawi roomohe mampoperiu i Yohane.

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Roma 3:19

Hangko i Aturana Musa, taisa kadana ara tauna au manoto. Hai taisa ope-ope i Aturana Musa, mokanaihe to Yahudi au rawei atura iti. Mewali, bara ara hadua tauna au peisa mampololita kamanotona. Ope-ope tauna masalamohe i peitana Pue Ala.

Roma 5:20

Tunggaiana Aturana Pue Ala au napahawe Musa, iami bona tongawa mpuu kamasalanda ope-ope tauna, lawi ngkaiami peliunginda i Atura iti. Agaiana nauri rumihi kamahilena dosa manusia, melumbu mani kamahilena kabulana laluna Pue Ala i manusia!