Matiu 21:29 - Sura Malelaha

²⁹ Nahanai: ‘Lohena Uma!’ Agaiana kahopoana tebaliki laluna, hai lao mpuumi mobago i bonde.

Matiu 21:29 Mawu Ofanana

Matiu 21:28

Napaliliu Yesu lolitaNa i tadulako agama Yahudi, Nauli, “Noumba pelambiami: ara hadua uma, anana rodua, tobalilo haha. Ia lao i towutu, nauliangaa: ‘Anangku, alo ide, laoko mobago i bonde.’

Matiu 21:30

Hangko indo, umana iti lao wori i anana au toadi, nauliangaa: ‘Anangku, laoko mobago i bonde.’ Nahanai anana: ‘Io, laona Uma.’ Agaiana bara lao!”

Matiu 21:31

Roo indo, mekune Yesu i tadulako agama Yahudi, Nauli, “Mewali, hangko i anangkoi au rodua iti, hema au mampeulai hawana umanda?” Rahanai tadulakonda to Yahudi, “Au towutu.” Nauli Yesu, “Kana pehanami. Agaiana Kuuliangaakau: tauna au madosa, nodo toperuru asele hai towawine au bara hintoto babehianda, ihirari au ina nadoko Pue Ala mewali taunaNa i lalu poparentaNa, bara ikamu.

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

1 Korintu 6:11

Halalu, arakau au nodo babehiami hangkoia. Agaiana Napamalelahamokau Pue Ala hai Napopewalimokau taunaNa. Napamanotomokau i peitaNa anti pohintuwumi hai Pue Yesu Kerisitu hai anti kuasana Inaona Pue Ala Amputa.