Matiu 20:22 - Sura Malelaha

²² Nauliangaahe Yesu, “Bara niisa apa au niperapi? Nibuku pae mohalea kapari au hangangaa Kuhalea?” Rahanai topeguruNa au rodua iti, “Kibuku!”

Matiu 20:22 Mawu Ofanana

Matiu 26:35

Nauli Peturu, “Kehapirina mate hihimbela hai Oio, bara mpuu ina kusapuaka kakuisaMu!” Nodo wori pololitanda topeguruNa ntanina.

Matiu 26:39

Roo indo, lao karao haodi, molingkudumi motumpa mekakae, Nauli, “UmaNgku, ane peisa, Nupakaraoa wongkoia kapari au ina morumpaNa ide. Agaiana bara peundeaKu au Kuula; peundeaMuri, Uma.”

Matiu 26:42

Hangko inditi, lao mbulimi mekakae haduduana, Nauli, “UmaNgku, ane kapari ide bara peisa rapakarao hangko Iriko, batena peundeaMuri au mewali.”

Matiu 26:56

Agaiana ope-ope ide hangangaa mewali bona tepabukei apa au rauki nabi hangkoia i lalu Sura Malelaha.” Roo indo, melangkamohe ope-ope topeguruNa mopalehi Ia.

Markus 14:36

Nauli, “UmaNgku! Bara ara au bara Nubuku Nubabehi. Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri Uma.”

Lukasi 12:50

Agaiana ara mani kapari au hangangaa morumpaNa. Ina masusa laluNgku duuna mewali.

Lukasi 22:42

Nauli, “UmaNgku, ane Nuunde, Nupakaraoa wongkoia kapari au ina morumpaNa ide. Agaiana bara peundeaKu au Kuula, peundeaMuri, Uma.”

Yohane 18:11

Nauli Yesu i Peturu, “Pusa hule pihomu! Ba nupehangu Kupousulia kapari au Napakanotoa amimoNa UmaNgku?”

Roma 8:26

Nodo wori, Inao Malelaha motulungike i lalu kamaledenta. Lawi bara mpuu taisa apa au hangangaa tauli i lalu pekakaenta. Agaiana Inao Malelaha mamporangaike mohowara perapinta i Pue Ala au melumbu hangko i pebukuanta mohowara.

Yakobu 4:3

Nauri pae niperapimi, agaiana bara ina nilambi, lawi tunggaiami bara maroa. Lawi apa au niperapi iti, ina nipake pea mopabukei peundeana lalumi haduduami.