Matiu 20:21 - Sura Malelaha

²¹ Mekunemi Yesu iria, Nauli, “Apa au nuperapi?” Nahanai inanda iti, “Pamperapiku bona ane mewaliKo Datu, anangku au rodua mohuda moparenta hihimbela hai Oio, hadua ntanda i koanaMu, hadua ntanda i kabeoMu.”

Matiu 20:21 Mawu Ofanana

Matiu 18:1

I tempo iti, maihe topeguruna Yesu mekune Iria, rauli, “Pue, hema wei au meliu kamahilena tuwona i lalu poparentana Pue Ala?”

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 20:22

Nauliangaahe Yesu, “Bara niisa apa au niperapi? Nibuku pae mohalea kapari au hangangaa Kuhalea?” Rahanai topeguruNa au rodua iti, “Kibuku!”

Matiu 20:32

Mengkaroomi Yesu, Nakakiohe, hai Nauliangaahe, “Apa au niunde bona Kubabehi?”

Markus 10:51

Napekune Yesu iria, “Apa au nuunde bona Kubabehi?” Nahanai tobilo iti, “Guru, kupeinao wongkoia meita!”

Markus 16:19

Karoona Yesu mampololitaa topeguruNa, Ia teangkami lao i suruga, hai mohuda ntanda i koanana Pue Ala.

Markus 6:22

I posusa iti, anana Herodias au towawine mesua hai motaro i lindo torare. Matana mpuu Datu Herode moita potarona anantowawine iti, hai nodo worihe torarena. Nauli Herode i anantowawine iti, “Apa au nuunde? Apa pea au nuperapi, ina kuweiko!”

Lukasi 18:41

“Apa au nuunde bona Kubabehi?” Nahanai tobilo iti, “Pue, kupeinao wongkoia meita!”

Lukasi 19:11

I tempona Yesu barapi karao hangko i wanua Yerusale, bosahe tauna meula Iria. Tauna bosa iti mampehangu, ane hawe Yesu i Yerusale, poparentana Pue Ala unga pea ina hawe i dunia. Mewali, Yesu mopaliliu lolitaNa hai ngkora pandiri ide,

Lukasi 22:24

Hangko indo, mombehanaimohe topeguruna Yesu, ba hema i olonda au meliu kamahilena tuwona.

Yohane 15:7

Ane mohintuwu liliukau hai Iko hai lolitaNgku nipailalu liliu, niperapimi i Pue Ala ba apa peundeami, batena Naweikau.

Suro 1:6

I tempona surona Yesu hihimbelahe hai Ia, mekunemohe, rauli, “Pue, ba i tempo idemi Nuaro hule poparentanda to Isaraeli, ba bamani?”

Roma 12:10

Mombepokaahikau hadua hai hadua nodo topohalalu, hai mombeadaikau.

Roma 8:34

Barapi ara au ina manguli hangangaa rahukuke. Lawi Yesu Kerisitu au matemi mohuru dosanta, hai au tuwo hulemi, hai au mohuda ntanda i koanana Pue Ala, Iami au mamperuruike.

Kolose 3:1

Ikamu nodokau tauna au rapatuwo hule hangko i kapate hihimbela hai Kerisitu. Ido hai hangangaa mohaokikau apa au ara i suruga, iumba Kerisitu ara, mohuda ntanda i koanana Pue Ala.