Matiu 20:20 - Sura Malelaha

²⁰ I tempo iti, towawinena Sebedeus hai anana rodua maihe i Yesu. Inanda iti molingkudu motumpa i lindoNa lawi ara au ina naperapi.

Matiu 20:20 Mawu Ofanana

Matiu 10:2

Hanganda surona Pue Yesu au hampulo hai rodua iti, idemohe: Au nguru-nguruna Simo, au rahanga wori Peturu; roo indo, Andaria adina Simo, Yakobu anana Sebedeus, Yohane adina Yakobu, Pilipu, Bartolomeus, Tomas, Matiu toperuru asele, Yakobu anana Alfeus, Tadeus, Simo to Selot, hai Iskariot au mampobalu Yesu.

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Matiu 15:25

Agaiana mai pea towawine iti molingkudu motumpa i lindona Yesu, nauli, “Pue, tulungi wongkoia!”

Matiu 2:11

Kahawenda, mesuamohe i lalu sou, hai liliuhe moita Anangkoi iti hihimbela hai Maria inaNa. Motumpamohe menomba Iria. Roo indo, mobungkahimohe pambolia anu-anunda, hai mohuhuhe popenombanda Iria. Popenombanda iti iami bulawa hai anu-anu mawongi au masuli nodo dupa hai mur.

Matiu 27:56

I olonda towawine iti, ara Maria Magdalena, Maria inana Yakobu hai Yusupu hai hadua wori inanda Yakobu hai Yohane.

Matiu 28:17

Inditi, moita mpuumohe Yesu, hai menombahe Iria. Agaiana ara wori au bata-bata mani lalunda.

Matiu 4:21

Roo indo, Yesu mopaliliu polumaoNa. TangaNa lumao, moita mbuli rodua topohalalu, iamohe, Yakobu hai Yohane, anana Sebedeus. Ihira hai umanda tanganda mopakaroa dala i lalu duanga. Yesu mokakiohe tontaliadi iti bona meulahe Iria.

Matiu 8:2

I tempo iti, maimi hadua tauna au ketangga molingkudu motumpa i lindona Yesu, nauli, “Pue, kuisa kaNubukuna mopakaohana. Ane Nupokana, pakaoha wongkoia!”

Markus 15:40

Ara worihe inditi bahangkia towawine au mampeita ngkarao. I olonda ara Maria Magdalena. Ara wori Maria inanda Yakobu au mangura hai Yoses, hai ara wori Salome.