Matiu 2:13 - Sura Malelaha

¹³ I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 2:13 Mawu Ofanana

Matiu 1:20

Tangana Yusupu mampepekiri iti, mangipimi. I lalu pangipina, moita hadua malaekana Pue, au mololita, nauli, “Yusupu, pemuleana Datu Daudi! Ineeko langa mampotambia Maria, lawi Anangkoi au nakantimia iti mewali anti kuasana Inao Malelaha.

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Matiu 2:12

Tanga kaindi, Pue Ala mampopaingaahe i lalu pangipinda, Nauli, “Ineekau mesule i Herode!” Mewali i pesulenda i tamponda, barahe moliu i Yerusale, moulamohe rara ntanina.

Matiu 2:14

Kaindi iti, mearomi Yusupu, hai moanti Maria hai Yesu lao i tampo Masiri.

Matiu 2:16

Kanaisana Herode karaakalangina to Mata alo, rumihi ntepuu karumpuna. Ido hai napohawaami surodadona lao mopapate ope-ope anangkoi tobalilo i Beteleme hai i boea au hungku inditi bona Anangkoi au ina mewali datu kana wori rapapate. Naisa mpuu Herode impira pesupana betue iti, lawi napekune hangkoia i to Mata alo. Ido hai natuduhe bona ope-ope anangkoi tobalilo i Beteleme rapapate, mepongka i analei au hangko rapoanaka hawe i anangkoi au romparemi tinuwunda.

Matiu 2:22

Agaiana nahadi Yusupu, Arkelaus anana Herode mopahuru umana mewali datu i tampo Yudea. Mewali, langa mesule inditi. Roo indo, ara mbuli au napahawea Pue i lalu pangipina. Ido hai laohe i tampo Galilea,

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 10:7

Kapaduna malaeka iti, Kornelius liliu mokakio rodua tuduana hai hadua surodado au napoinalai. Surodado iti mengkoru wori i Pue Ala.

Suro 12:11

Hangko indo, naisami Peturu kadanato mangipi, hai nauli, “Tou mpuu wei! Pue motudumi malaekaNa maina mokabaha hangko i kuasana Herode hai hangko i ope-ope au ratunggai to Yahudi iriko.”

Suro 12:7

Unga pea tarunggu iti mabaa, lawi ara hadua malaekana Pue meangka i holanda. Malaeka iti morua Peturu, nauli, “Pearo holiga!” Liliu rante au rapopotaka taiena Peturu unga pea mabotu.

Suro 16:36

Kanahadina kapala tarunggu parenta iti, nauli i Paulu hai i Silas, “Ara hawa hangko i topoparenta au mouliangaana bona rakabahakau. Mewali, padumokau, hai maroa-roakau i rara.”

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Suro 7:19

Datu iti mopakasusa katuwonda toiorunta hangkoia hai napopeahi-ahihe. Natudumohe motende analeinda au tobalilo bona mate.

Pampetudungia 12:14

Agaiana towawine iti rawei rombua kapi au mahile, nodo kapi tadasingkaia. Ido hai peisa membaro lao i pada wungi i paidaa au rapasilolongaa, dati napakarugi naga. Inditi, ia rakadipura i lalu talu parena hantanga.

Pampetudungia 12:4

Naga iti mowentoka ikuna, modii hangkira talu hangko i betue i langi hai natendehe i wongko dunia. Naga iti meangka i lindona towawine au ina moana bona moame Anana towawine iti au ina mesupa.

Pampetudungia 12:6

Roo indo, melangkami towawine iti lao i pada wungi, hai maida i paidaa au napasilolongaami Pue Ala. I paidaa iti, ia rakadipura i lalu hasabu rongatu hai ini pulona alona kamahaena.