Matiu 2:12 - Sura Malelaha

¹² Tanga kaindi, Pue Ala mampopaingaahe i lalu pangipinda, Nauli, “Ineekau mesule i Herode!” Mewali i pesulenda i tamponda, barahe moliu i Yerusale, moulamohe rara ntanina.

Matiu 2:12 Mawu Ofanana

Matiu 1:20

Tangana Yusupu mampepekiri iti, mangipimi. I lalu pangipina, moita hadua malaekana Pue, au mololita, nauli, “Yusupu, pemuleana Datu Daudi! Ineeko langa mampotambia Maria, lawi Anangkoi au nakantimia iti mewali anti kuasana Inao Malelaha.

Matiu 2:13

I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 2:19

Tanganda mani Yusupu, Maria hai Yesu i tampo Masiri, matemi Datu Herode. Roo indo, hawe mbulimi malaekana Pue i Yusupu i lalu pangipina.

Matiu 2:22

Agaiana nahadi Yusupu, Arkelaus anana Herode mopahuru umana mewali datu i tampo Yudea. Mewali, langa mesule inditi. Roo indo, ara mbuli au napahawea Pue i lalu pangipina. Ido hai laohe i tampo Galilea,

Matiu 27:19

I tempona Pilatu mohuda mobotusi kara-kara kana i Yesu, hawemi hadua suro hangko i towawinena au mouliangaa, “Inee nuhuku tauna au bara masala iti! Anti kaIana panena mangipi au mewulungai inona kaindi.”

Suro 10:22

Rahanai, “Tua Kornelius, tadulako surodado Roma, motudungkai mai inde. Ia, tauna au manoto laluna hai mengkoru mpuu i Pue Ala, hai rabila wori ope-ope to Yahudi. Ia natudu hadua malaekana Pue lao mokakioko naanti i souna bona peisa mohadi apa au ina nuuliangaa.”

Suro 4:19

Mehana Peturu hai Yohane, rauli, “Nipekiri umba au naunde Pue Ala: mampeulaingkai hawami ba mampeulaingkai hawana Pue Ala!

Suro 5:29

Mehanahe Peturu hai surona Pue Yesu au ntanina, rauli, “Bara hawana manusia au kipeulai, agaiana batena pea hawana Pue Ala au kipeulai.

1 Korintu 3:19

Lawi apa au rauli kapande manusia, nodo pekiri tontuli i peitana Pue Ala. Ara au teuki i lalu Sura Malelaha node: “Pue Ala mopakala tauna au mapande i lalu kamapandenda haduduanda.”

Ibarani 11:7

Anti pepoinalaina, Noho mengkoru i hawana Pue Ala. Pue Ala mouliangaa kaina arana owai meumbala au molaboa dunia. Mewali, kehapiri bara mani naita pewalina, hawana Pue Ala napeulaimi hai nababehimi duanga mahile bona ia hai towawinena hai anana bara mate maliso. Ope-ope tauna i dunia rahuku, agaiana Noho anti pepoinalaina, ia Naimba Pue Ala manoto i peitaNa.

Ibarani 8:5

Tadulako mpenomba iti mobagohe i lalu sou penombaa i dunia ide. Sou penombaa iti mewali pandiri irikita kana i apa au ara i suruga. Ido hai hangko damani nabi Musa moaro Bambaru Malelaha hangkoia, Pue Ala mouliangaa node: “Nukatuinao! Ope-ope iti hangangaa nubabehi moula apa au ratudungiamoko i wongko bulu!”