Matiu 2:11 - Sura Malelaha

¹¹ Kahawenda, mesuamohe i lalu sou, hai liliuhe moita Anangkoi iti hihimbela hai Maria inaNa. Motumpamohe menomba Iria. Roo indo, mobungkahimohe pambolia anu-anunda, hai mohuhuhe popenombanda Iria. Popenombanda iti iami bulawa hai anu-anu mawongi au masuli nodo dupa hai mur.

Matiu 2:11 Mawu Ofanana

Matiu 1:18

Idemi tuntukana karapoanakana Yesu Kerisitu. Maria, inana, momanu hai Yusupu, agaiana hangko damanihe mohamboko, mantimimi. Kamantimina iti, hangko i kuasana Inao Malelaha.

Matiu 12:46

Tangana mani Yesu mololita hai tauna bosa, hawehe inaNa hai adiNa. Meangkamohe i raoa sou mampeinao mololita hai Ia.

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Matiu 2:2

Mekunemohe i to Yerusale, rauli, “Iumba Datunda to Yahudi au hangko rapoanaka iti? Kiitami betue i Mata alo au mopakanoto pesupaNa. Ido hai maingkai, lawi kipeinao menomba Iria.”

Lukasi 2:16

Laomohe mampohidupaa Maria hai Yusupu, hai analei au radampa i lalu dula dimba.

Lukasi 2:38

Kamoitana Yesu i Souna Pue Ala, ia manguli ngkaia kamaroana i Pue Ala, hai mampololita kana i Anangkoi iti i ope-ope tauna au mampegia karakabahanda ampu wanua Yerusale hangko i iwalinda.

Yohane 19:39

Ara wori hadua tauna au lao hihimbela hai Yusupu, au rahanga Nikodemus. Hangkoia Nikodemus iti au lao mohidupa hai Yesu i tanga kaindi. Laomohe rodua tauna iti mopasilolonga watana Yesu. I kalaonda, Nikodemus moanti lana mawongi, au rauli mire hai gaharu, au kamantimina ba arato pae talu pulona kilo.

Pampetudungia 19:10

Molingkudumona motumpa i lindona malaeka iti menombana iria, agaiana nauliangaana, “Inee! Ineeko menomba iriko. Batena pea Pue Ala au hintoto nupenombai. Lawi ide iko, hawina pea worina Pue Ala himbela hai oio hai ope-ope halalumu au mopangaku kaYesuna au rapenombai. Lawi tunggaiana ope-ope lolitangku ide bona mosabiki kaYesuna Datu Topehompo.”

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.