Matiu 19:6 - Sura Malelaha

⁶ Mewali i peitana Pue Ala, barapohe rodua, agaiana mewalihe hadua. Ido hai Kuuliangaakau: apa au napahintuwumi Pue Ala, inee mpuu nagaa manusia.”

Matiu 19:6 Mawu Ofanana

Matiu 19:5

Nauli mbuli Yesu: ‘Ido hai tobalilo hangangaa mopalehi umana hai inana, hai tuwo hihimbela hai towawinena bona au rodua iti mewalihe hawata-wata.’

Matiu 19:7

Mehanahe toParisi, rauli, “Ane nodo, moapari hai Musa mohawa bona tobalilo mowei sura mpogaa i towawinena, ane napeinao napogaaki?”

Markus 10:9

Ido hai Kuuliangaakau, apa au napahintuwumi Pue Ala, inee mpuu hawe nagaa manusia.”

Roma 7:2

Pandirina, ara hadua towawine au motambi hai tuwo mani tobalilona, batena tetaka i tobalilona moula ada mpotambi. Agaiana ane matemi tobalilona, tekabahami hangko i atura au motaka i tobalilona.

Epesu 5:28

Mewali nodo Kerisitu mampokaahi jumaa au mewalimi wataNa, tobalilo hangangaa mampokaahi wori towawinena nodo pampokaahina watana haduduana. Hema au mampokaahi towawinena himbela pea mampokaahi watana haduduana.

Ibarani 13:4

Ope-ope tauna hangangaa mampeulai ada posamboko. Ada iti inee nilingkai. Lawi tauna au mebualosi hai au mobabehi babehia merikai, batenda ina nahuku Pue Ala.