Matiu 18:16 - Sura Malelaha

¹⁶ Agaiana ane bara naunde mampeulai lolitamu, nukakio hadua ba rodua tauna nuporanga mopahawe lolitamu iria. Lawi i lalu Sura Malelaha hangkoia teuki node: ‘Ane ara tauna au rasalai, hangangaa ara rodua ba talu tauna au mosabiki katouna kamasalana, bona manoto kara-karana.’

Matiu 18:16 Mawu Ofanana

Yohane 8:17

I lalu Sura Aturami ara teuki node, ‘Ane ara rodua sabi au himbela lolitanda, posabinda iti hangangaa rapoinalai.’

2 Korintu 13:1

Masilolongamona ina lao mosondakikau i kataluna belana. Nikatuinao apa au teuki i lalu Sura Malelaha au manguli, “Ane ara hadua tauna au rasalai, hangangaa ara rodua ba talu tauna au mosabiki katouna kamasalana bona manoto kara-karana.”

1 Timotiu 5:19

Ane ara hadua penatua au rasalai tauna, inee hoholiga nudoko pesalainda. Ane arami rodua ba talu sabi au mopakanoto katouna kamasalana, hangko peisari nudoko.

Ibarani 10:28

Hangkoia ane ara hadua tauna au mosapuaka Aturana Musa hai arahe rodua ba talu tauna au mosabiki katouna kamasalana, bara ara ampungiana, batena rahuku mate.

Pampetudungia 11:3

I tempo iti, ina Kutudu rodua sabiNgku lao mopahawe NgkoraKu. SabiNgku au rodua iti mehampihe waru ngkasusa, hai mobambarihe NgkoraKu i lalu hasabu rongatu hai ini pulona alona.”