Matiu 18:10 - Sura Malelaha

¹⁰ “Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 18:10 Mawu Ofanana

Matiu 1:20

Tangana Yusupu mampepekiri iti, mangipimi. I lalu pangipina, moita hadua malaekana Pue, au mololita, nauli, “Yusupu, pemuleana Datu Daudi! Ineeko langa mampotambia Maria, lawi Anangkoi au nakantimia iti mewali anti kuasana Inao Malelaha.

Matiu 12:20

Tala au malute bara ina Natepoki, hai hulo au mewao-wao pewangkana bara ina Napapate. Ia ina mobago liliu duuna notona Pue Ala tongawa.

Matiu 18:14

Nodo wori Umami au ara i suruga, bara Naunde ane ara hadua nodo anangkoi ide au puha.”

Matiu 18:6

Agaiana hema au mopakanawo hadua anangkoi au nodo anangkoi ide alana barapi mepoinalai Iriko, ina rumihi mpuu pehukuna Pue Ala i tauna iti. Aginami haogu watu pogilia au mahile ratoe i tambolona hai ratende i lalu tahi.

Matiu 2:13

I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”

Matiu 2:19

Tanganda mani Yusupu, Maria hai Yesu i tampo Masiri, matemi Datu Herode. Roo indo, hawe mbulimi malaekana Pue i Yusupu i lalu pangipina.

Matiu 24:31

Tatamburu au mahile ina ratawue, hai ina Kutudu malaekaNgku lao mogulu tauna au Kupilei hangko i humalele dunia, mepongka i wuntuna hambali hawe i wuntuna hambali.”

Lukasi 1:19

Nahanai malaeka, “Iko, Gabriel. Meangkana i lindona Pue Ala mampegia hawaNa. Iami au motuduna mai mopahaweako bambari au maroa ide.

Lukasi 10:16

Roo indo, mololita mbuli Yesu i topeguruNa, Nauli, “Hema au modoko lolitami, himbelami lolitaNgku au nadoko. Hema au mosapuakakau, himbelami Iko au nasapuaka. Hai hema au mosapuakaNa, himbelami Pue Ala au nasapuaka, lawi Ia au motuduNa.”

Lukasi 16:22

Roo indo, matemi Lasaru, hai ia raanti malaeka lao i pohudaa au maroa i holana Burahima. Bara mahae hangko indo, mate worimi topebuku iti, hai ratawu.

Suro 10:3

Hambela tempo, ba arami pae tinti talu kalumba, Naitami hambua pampetudungia. I lalu pampetudungia iti, naitami hadua malaekana Pue au mekakio, nauli, “Kornelius!”

Suro 12:15

Tauna iti rauliangaa, “Ba magilako pae!” Agaiana naperoho pea lolitana manguli kaPeturuna au ara i babaka. Ido hai raperoho wori rauliangaa, “Malaeka au mokampairi diti.”

Suro 12:23

Anti pampemahilena, Herode bara mobila hai bara mau motoia Pue Ala. Ido hai unga pea nahuku malaekana Pue pane kekaindoro alana mate.

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 5:19

Agaiana kaindi iti, hawemi hadua malaekana Pue mobungkahi baba tarunggu hai moantihe lao i raoa. Nauli malaeka iti irihira,

Roma 14:10

Mewali, moapa hai mopakisalakau halalumi hampepepoinalai? Moapa wori hai mokakabosaikau halalumi hampepepoinalai? Lawi batena ina hawe tempona, ikita ope-ope meangka i lindona Pue Ala bona Nabotusi kara-karanta.

Roma 14:21

Aginami, ineeke moande bau ba maenu au melangui ba mobabehike apa pea au mopakanawo halalunta hampepepoinalai.

Roma 15:1

Ikita au marohomi pepoinalainta i Pue Ala, hangangaa sabarake i kabata-batana lalunda ranganta au bara mani maroho pepoinalainda. Inee peake mohaoki kamatananta haduduanta.

1 Korintu 11:22

Barakau pae mosou? Agina maande hai maenu amimokau i soumi moula peundeami. Moapari hai nibabehi nodo i poteruhuami? Niunderi pae mopapakoi hangka rangami au mewali kirana Pue Ala? Nipeinao pae mopakaeahe halalumi au meahi-ahi tuwonda? Apa au hangangaa kuuliangaakau? Ba kutoiakau? Bara! I babehiami iti barakau kutoia.

1 Korintu 16:11

Mewali, inee ara au bara mohaile. Nipopelingka maroa i pesulena mai iriko, lawi kupegia inde hihimbelahe hai halalunta hampepepoinalai.

1 Korintu 9:22

Ane arana hihimbela hai tauna au bara mani maroho pepoinalainda, kubabehi mpuu nodo ihira bona kutulungihe meula i Kerisitu. Mewali, i ope-ope tauna au kupombelambia, kuhaoki rara bona mewalina nodo ihira bona ane peisa, arahe au kuanti mepoinalai i Kerisitu.

2 Korintu 10:1

Iko, Paulu, ara perapingku irikamu. Arahe tauna i olomi au manguli: “Ane Paulu karao hangko irikami, pololitana makasara i lalu surana, agaiana ane mombelindoke, ia maalusu.” Mewali, hangko i lalungku au mengkaiwoi hai au maalusu, nodo laluna Kerisitu,

2 Korintu 10:10

Lawi arahe tauna i olomi au mokakabosaina, rauli: “Ane i surana, ara kuasana lolitana hai pemoso pepaturona, agaiana ane ara inde hihimbela hai ikita, bara manoto pololitana hai malede watana!”

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

1 Tesalonika 4:8

Ido hai ane ara tauna au mosapuaka paturo ide, bara manusia au nasapuaka, agaiana Pue Alari au nasapuaka! Tunggaiana Pue Ala moweike Inao Malelaha bona malelaha tuwonta.

1 Timotiu 4:12

Nauri mangura maniko, hintotoko rabila tauna. Hangangaa mewaliko pandiri i halalunta hampepepoinalai i lalu pololitamu, babehiamu, kamaahimu i hangka rangamu, pepoinalaimu i Pue, hai i lalu katuwomu au malelaha.

Ibarani 1:14

Bara hambela, lawi malaeka iti topobagoNa peahe Pue Ala au Natudu motulungi hai mokadipura tauna au ina molambi katehorema.

Ibarani 9:24

Lawi paidaa malelaha au napesuangi Kerisitu, bara paidaa au rababehi tauna. Paidaa malelaha iti iami suruga. Hai Kerisitu mesua mpuu i suruga. Ide-ide, arami i lindona Pue Ala mamperuruike.

Pampetudungia 8:2

Kuita pitu malaeka meangka i lindona Pue Ala. Malaeka au pitu iti rawei pitu tatamburu.