Matiu 17:23 - Sura Malelaha

²³ Ina rapapateNa, agaiana i alo katalu ina tuwo huleNa.” Indo, masusa ntepuumi lalunda topeguruNa.

Matiu 17:23 Mawu Ofanana

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Matiu 17:9

Pendaulunda hangko i wongko bulu iti, Nauliangaahe Yesu “Inee hampai niuli-uli i hema pea apa au niita inona hangko damani Iko, Ana Manusia rapatuwo hule hangko i kapate.”

Matiu 20:19

Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Markus 8:31

Roo indo, napepongkami Yesu mampololita i topeguruNa apa au hangangaa mewali i wataNa, Nauliangaahe, “Iko, Ana Manusia, hangangaa molambi ngkaia kapari. Ina rasapuakaNa totosae boea, kapala-kapala tadulako mpenomba hai guru-guru agama. Ina rapapateNa, agaiana i alo katalu ina tuwo huleNa.”

Markus 9:30

Roo indo, Yesu hai topeguruNa meangka hangko inditi mopaliliu polumaonda moliu i tampo Galilea. Tunggaiana Yesu bona dati raisa tauna bosa kaiumbaNa,

Yohane 16:6

Masusa lalumi i kanihadina lolitaNgku inona au mouli kaina paduNgku.

Yohane 2:19

Nauli Yesu, “Nigero Souna Pue Ala ide, hai ina niita mpuu i lalu talu alona Kuaro hule.”