Matiu 17:18 - Sura Malelaha

¹⁸ Hangko inditi, Yesu mokambaroa seta au mopakasusa anangkoi iti. Moloho mpuumi seta iti. Pelohona seta iti, maoha mpuumi anangkoi iti.

Matiu 17:18 Mawu Ofanana

Matiu 12:22

Hangko indo, ara hadua tauna au raanti i Yesu. Tauna iti, bilo, bara peisa mololita, hai napesuangi seta. Napakaohami Yesu alana meita hai peisami mololita.

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Matiu 17:17

Nauli Yesu i tauna bosa hai i topeguruNa, “Noumbarikau dide? Moapari pane bara mani maroho pepoinalaimi? Nisapuaka mani peundeana Pue Ala! Hangkia maniri kamahaena ina hihimbelaNa hai ikamu? Hangkia maniri kamahaena hangangaa Kusabarai peewami? Anti mai anangkoi iti!”

Matiu 17:19

Roo indo, i tempona Yesu haduduana, maimohe topeguruna mekune Iria, “Guru, moapari hai bara kibuku mampopeloho seta iti?”

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Markus 1:34

Bosa tauna au Napakaoha hangko i hakinda au mampopengaa. Ngkaia wori tokadake au mesua i tauna napopeloho Yesu; barahe Napaliu mololita, lawi raisa mpuu kahemana Yesu.

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 8:29

Mololita nodo lawi Yesu mowura kuasa tokadake iti hangko iria. (Tauna iti bosami belana naanti-anti kuasa tokadake, ido hai nauri rakampai, taiena hai bitina rataka rante batena pea nabotu-botu, hai melangka lao i paidaa au boa, naanti kuasa tokadake au mesua iria.)

Lukasi 9:42

Tangana mani anangkoi iti molumao monontohi Yesu, madungka mbulimi hai morada-rada anti kanapesuangina seta. Agaiana Yesu mokambaroa tokadake iti, alana anangkoi iti maoha. Roo indo, nauli Yesu i umana, “Maimide ala ide anamu. Maohami.”

Suro 16:18

I lalu bahangkia alona, nodo liliu pea pololitana, alana malutami Paulu mohadi. Hangko indo, membalilimi Paulu, hai mololita i anitu au mebalasua i towawine iti, nauli, “I lalu hangana Yesu Kerisitu, peloho hangko iria!” Meloho mpuumi anitu iti.