Matiu 16:27 - Sura Malelaha

²⁷ Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:27 Mawu Ofanana

Matiu 13:41

Iko Ana Manusia ina motudu malaekaNgku lao morampu ope-ope au mepakanawo hai tauna au mobabehi dake hangko i olonda taunaNgku.

Matiu 13:49

Nodo wori i alo pebotusi i kahopoa dunia: malaeka ina laohe mopatani tauna au kadake hai tauna au manoto.

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Lukasi 21:27

I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa.

Lukasi 22:69

Mewali, idemi pehanaNgku: barapi mahae Ana Manusia ina mohuda ntanda i koanana Pue Ala au makuasa.”

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

Yohane 21:22

Nauli Yesu, “Ane Kuunde bona ia tuwo liliu duuNgku hawe i karombelana, bara paraluu nuisa! Agaiana oio meula peamoko Iriko.”

Yohane 21:23

Hangko inditi, tebambarimi i topeulana Yesu, kadana ina mate topeguruNa iti. Agaiana au nauli Yesu bara nodo, noderi, “Ane Kuunde bona ia tuwo liliu duuNgku hawe i karombelana, bara paraluu nuisa!”

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

Roma 14:12

Mewali, ikita ope-ope hangangaa mohanai Pue Ala kana i babehianta.

Roma 2:6

Ia ina mohurungi ope-ope tauna moula babehiana hadua-hadua.

1 Korintu 15:23

Agaiana ope-ope tauna ina rapatuwo hule moula tempo au tepatokami au nguru-nguruna iami Kerisitu. Roo indo i kahawe huleNa i dunia ide, ope-ope tauna au meula Iria ina rapatuwo hulehe.

1 Korintu 3:13

Mewali, ane sou iti naande api, ina taisa mpuu pakakasi sou au maroa hai au bara maroa, lawi pakakasi au maroa ina mantaha, agaiana pakakasi au bara maroa ina pumpu naande api. Nodo wori i kahawena hule Pue, Ia ina moparesa pobagonda ope-ope tauna maroa ba bara.

1 Korintu 8:8

Katouana, bara paande iti au moantike hungku i Pue Ala hai bara worike naanti karao hangko i Pue Ala. Ane taande, barake morasi. Ane bara taande, bara worike marugi.

2 Korintu 5:10

Lawi hambela tempo, ikita ope-ope hangangaa molindo Kerisitu bona Naparesa babehianta, hai ikita ope-ope ina molambi hurungina hintoto hai apa au tababehi tanganta mani tuwo i dunia ide.

Epesu 6:8

Bona niisa: ope-ope tauna, maroa hawi ba au bara hawi ane mobabehi apa au maroa batena molambihe saronda hangko i Pue.

Kolose 3:25

Hema pea au mobabehi dake ina mohumba wori hurungina au kadake, lawi Pue bara mampopontani tauna.

1 Tesalonika 1:10

Tauna iti mampololita worihe noumba pampegiami kahawena Anana Pue Ala hangko i suruga, iami Yesu au napatuwo hule Pue Ala hangko i kapate. Yesu itimi au mohoremake hangko i karumpuna Pue Ala au ina morumpa tauna au barahe mepoinalai Iria.

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

Yakobu 5:7

Halalu-halalu! Hangangaa sabarakau mampegia kahaweNa hule Pue. Nipeita noumba kasabaranda topobonde mampegia powuana tuda-tudanda. Sabarahe mampegia uda i temponda mantuda hawe i powuana.

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

1 Yohane 2:28

Kaliliuana anangku, hangangaa mohintuwu liliuke hai Kerisitu bona i kahaweNa hule deade, baimoke lao i lindoNa, hai barapoke maea Nakahawei.

Yudasi 1:14

Ara lolitana Heno hangkoia au mampololita pehukuna Pue Ala i guru au mepakanawohe i tempo ide. Heno iti iami pemuleana Adama au kapituna lapina. Nauli node, “Tou-tou Pue ina mai hihimbela hai malaekaNa au malelaha au kabosanda isabuna.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.