Matiu 15:31 - Sura Malelaha

³¹ Tingkaramohe tauna bosa moita ope-ope tauna au napakaoha Yesu: tauna au bara peisa mololita, mololitamohe, au bara masilolonga watanda, maroa hulemi watanda, au palu molumaomohe, au bilo meitamohe. Ido hai tauna iti mampomahile Pue Ala au rapenombai to Yahudi.

Matiu 15:31 Mawu Ofanana

Matiu 15:30

Mokoloromohe tauna bosa monontohi Ia, moantihe au palu, au bara masilolonga watanda, au bilo, au bara peisa mololita hai tomahai au ntanina. Rawolihe i lindona Yesu, hai Napakaohahe.

Matiu 18:8

Maroa-roakau bona ineekau madosa. Ane pandirina taiemu hambali ba bitimu hambali au moantiko madosa, nubohoki peami hai nutende. Agina hambali pea taiemu ba bitimu, asala molambiko katuwo maroa hihimbela hai Pue Ala pane rombali taiemu hai rombali bitimu, agaiana kahopoana ratenderiko i lalu api au rore liliu.

Matiu 21:14

Mewali hawemohe tauna au bilo hai au mokakuda mai i Yesu, i Souna Pue Ala, hai napakaohahe Yesu.

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.

Matiu 9:32

Kapadunda tobilo iti, raanti wori i Yesu hadua tauna au mahai. Tauna iti bara peisa mololita lawi napesuangi seta.

Matiu 9:33

Yesu mampopelohomi seta hangko i tauna iti, pane peisami mololita. Rapotingkara tauna bosa moita au mewali iti, rauli, “Mahile ntepuu kuasaNa! Bara mani hambela taita au nodo Ia i tamponda to Isaraeli!”

Matiu 9:8

Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Markus 2:12

Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”

Markus 7:37

Tingkara mpuuhe tauna bosa, rauli, “Hinangka au Nababehi, maroa haha. Tauna au bongo Napakaoha! Tauna au bara peisa mololita, mololitamohe!”

Markus 9:43

Maroa-roakau bona ineekau madosa. Ane pandirina taiemu hambali au moantiko madosa, nubohoki peami. Aginami hambali pea taiemu asala molambiko katuwo maroa hihimbela hai Pue Ala, pane rombali taiemu, agaiana kahopoana ratenderiko i lalu api naraka au rore liliu.

Lukasi 14:13

Agaiana ane mopaarako susa, hangangaa nukakio tauna au meahi-ahi tuwonda, au bara masilolonga watanda, au palu hai au bilo.

Lukasi 14:21

Pesulena hawi iti, napahawemi i ampuna pehananda tauna au rakakio. Rumihi mpuu karumpuna ampu susa iti, ido hai mouliangaa hawina, ‘Laomoko hoholiga i rara mahile hai i penga-penga rara i boea. Nukakio mai ope-ope tauna au meahi-ahi tuwonda, au bara masilolonga watanda, au bilo, hai au palu.’ Lao mpuumi hawi iti moula hawana ampuna.

Lukasi 18:43

Unga pea meita. Hangko indo, liliu meula i Yesu hai motoia Pue Ala. Hai ope-ope tauna au moita apa au mewali, motoia worimohe Pue Ala.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Yohane 9:24

Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”