Matiu 15:24 - Sura Malelaha

²⁴ Nauli Yesu i towawine iti, “Pue Ala motuduNa mai motulungi pemuleana pea to Isaraeli, lawi ihira nodo dimba au puha.”

Matiu 15:24 Mawu Ofanana

Matiu 15:23

Agaiana Yesu bara mehana. Maihe topeguruNa mohungkuki, rauli, “Guru, Nutudumi padu towawine iti, lawi paka monganga-nganga meula irikita.”

Matiu 18:11

[Lawi tunggaiaKu Iko Ana Manusia mai i dunia bona mohaokiNa tauna au karao hangko i Pue Ala hai mohoremahe hangko i huku dosanda.]

Matiu 9:36

Moita tauna bosa iti, maahi laluNa lawi ngkaia kaparinda, hai barahe ara au motulungi, nodohe dimba au bara raporewu.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Roma 15:8

Nipailalu ide: Kerisitu mai i dunia motulungihe to Yahudi bona tepabukei dandina Pue Ala i toiorunda hangkoia, alana tongawa i ope-ope tauna katouna Ngkorana Pue Ala.