Matiu 15:20 - Sura Malelaha

²⁰ Babehia au nodo iti au mopakedaike i peitana Pue Ala. Ane maande hai bara hampai memando, bara iti au mopakedaike i peitana Pue Ala.”

Matiu 15:20 Mawu Ofanana

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

Matiu 15:2

“Moapari hai topeguruMu moliungihe adanda toiorunta? Ane maandehe, barahe hampai memando moula aturanta.”

Matiu 15:21

Hangko indo, laomi Yesu i tampo au hungku i wanua Tirus hai Sidon.

Pampetudungia 21:27

Agaiana apa au merikai bara mpuu peisa mesua i lalu. Mewali, tauna au mobabehi dake ba au modongko, barahe peisa mesua. Au peisa mesua, batena pea tauna au teuki hanganda i lalu Surana Ana Dimba, sura poukia hanganda tauna au molambi katuwo maroa au bara mokahopoa.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”