Matiu 14:8 - Sura Malelaha

⁸ Kanahadina Herodias lolitana, ia moatei anana bona mamperapi waana Yohane Toperiu. Mewali, nauli anantowawine iti i Herode, “Merapina waana Yohane Toperiu rawoli i wongko dula ide!”

Matiu 14:8 Mawu Ofanana

Matiu 14:11

Waana Yohane raanti i wongko dula, hai rawei anantowawine iti, hai naanti lao irinana.

Matiu 14:7

Anti kamatanana, modandimi hai mosumpa i anantowawine iti, nauliangaa, “Apa pea au nuperapi, ina kuweiko!”

Matiu 14:9

I kanahadina Herode pamperapina, masusami laluna. Agaiana sumpana barapi peisa nadii hule, lawi rahadimi torarena. Ido hai Herode mohawami bona pamperapina anantowawine iti rapabukei.

Markus 6:24

Meangkami anantowawine iti lao mekune irinana, nauli, “Ina, apa au hangangaa kuperapi?” Nauli inana, “Perapimide waana Yohane Toperiu!”

Markus 6:25

Roo indo, mesulemi lao i Datu, hai liliu nauli, “Ide-ide merapina waana Yohane Toperiu rawoli i wongko dula.”

Markus 6:28

Hai waana naanti i wongko dula nahuhua anantowawine iti, hai anantowawine iti moanti irinana.