Matiu 14:5 - Sura Malelaha

⁵ Katouana, napeinao peami Herode mopapate Yohane, agaiana mampokalanga tauna bosa, lawi rauli tauna bosa ia hadua nabi.

Matiu 14:5 Mawu Ofanana

Matiu 11:9

Mewali, apari au nipeinao lao nipeita? Ba mampeinaokau mampeita nabi? Ane nodo, tou. Agaiana Kuuliangaakau meliu kamahilena tuwona Yohane hangko i nabi au ntanina.

Matiu 21:26

Agaiana ane tauli hangko i manusia pea kuasana, langake i tauna bosa, lawi tauna bosa manguli Yohane iti hadua nabi.”

Matiu 21:32

Lawi ikamu, bara nipoinalai lolitana Yohane Toperiu au mopaturoakau rara au manoto. Agaiana toperuru asele hai towawine au bara maroa babehianda, ihirari au mepoinalai Iria. Hai nauri nodo, bara nipenosoi babehiami hai barakau mepoinalai Iria.”

Lukasi 20:6

Agaiana ane tauli kuasana hangko i manusia pea, hangangaa rawatuike tauna bosa, lawi ope-ope tauna manguli Yohane iti hadua nabi.”

Suro 4:21

Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

Suro 5:26

Ido hai laomi tadulako surodado hihimbela hai ranganahe i Souna Pue Ala mangala suro iti. Barahe hampai mokakarumpui ba mopapahai Suro iti, lawi langahe rawatui tauna bosa.