Matiu 14:31 - Sura Malelaha

³¹ Naonami Yesu taieNa mohintaki Peturu, Nauliangaa, “Makura mani pepoinalaimu! Moapa hai bata-bata mani lalumu?”

Matiu 14:31 Mawu Ofanana

Matiu 14:30

Agaiana kanahadina himburu kebuu i rano, langami hai mepongkami tiri. Mekakio, nauli, “Tulungi wongkoia Pue!”

Matiu 14:32

Mesawimohe i lalu duanga, liliu mengkaroo himburu.

Matiu 16:8

Agaiana naisari Yesu apa au rapololita topeguruNa, ido hai Nauliangaahe, “Moapa hai mampololitakau kadami moanti roti? Makura mpuu pepoinalaimi!

Matiu 17:20

Nahanaihe Yesu, “Nodomi, lawi makura mani pepoinalaimi. Tou mpuu au Kuuliangaakau ide: ane arami pepoinalaimi nauri kokoi pea nodo lihu hahawi, ope-ope peisa mewali. Peisakau mouliangaa bulu iti: ‘Melimbako hangko inditi!’ hai batena melimba.

Matiu 6:30

Mewali, ane Pue Ala mampoperae hehi i pada au tuwo alo ide, hai rahuwe kahalo, apa mani ikamu? Meliu pekadipurana Pue Ala irikamu. Moapari hai bara niharunga pekadipuraNa?

Matiu 8:26

Nauliangaahe Yesu, “Moapari hai langakau? Ikamu ide makura gaga pepoinalaimi.” Mearomi Yesu, liliu mokambaroa himburu hai balumba i rano. Unga pea lene rano.

Markus 1:31

Roo indo, laomi Yesu mampeita pengantina Simo i paturuana. Nakingkimi taiena hai Napopearo. Liliu maoha, pane towawine iti mororahe Yesu hai topeguruNa.

Markus 1:41

Ido hai maahimi laluna Yesu moita tauna iti. Mewali Napetobomi hai Nauliangaa, “MauNa. Maohamoko!”

Markus 11:23

Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Markus 16:7

Laomokau i Peturu hai topeguruna Yesu au ntanina niuliangaahe node: Yesu tuwo hulemi. Moiorumi lao i tampo Galilea, hai Ia ina niita inditi nodo au Nauliangaamokau.”

Markus 4:40

Roo indo, Yesu mouliangaahe topeguruNa, “Moapari hai langakau? Moapari hai bara maniNa nipoinalai?”

Markus 5:41

(Tinuwuna anangkoi iti hampulo hai rompare.) Yesu mokingki taiena anangkoi iti, hai Nauliangaa, “AnaNgku, mearomoko!” I lalu basanda to Yahudi, nodemi lolitaNa, “Talita kum!” Mearomi anangkoi iti hai liliu molumao. Tingkara mpuumohe ope-ope tauna au moita.

Lukasi 24:34

Molololitahe, rauli, “Tou mpuu, Pue Yesu tuwo hulemi. Ia mopatongawami wataNa i Simo!”

Suro 4:30

Nupopaitaahe kuasaMu Pue. Nuweingkai kuasa hangko i Yesu, tuduaMu au Malelaha bona kibuku mopakaoha tauna au mahai hai mobabehi tanda au metingkarai.”

1 Timotiu 2:8

Peundeaku bona ane mamingguke iumba pea, tobalilo hangangaa mekakae i lalu kamalelaha, hai barahe peisa mosisala ba masodo.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.