Matiu 14:19 - Sura Malelaha

¹⁹ Hangko indo, Natudumohe tauna bosa mohuda i hehi. Mohudamohe i hehi, Naalami Yesu roti au lima oguna hai ikane au rombaa, hai mengoa i langi mekakae i Pue Ala. Roo indo, Nabise-bisemi roti iti, pane Naweihe topeguruNa bona rakira-kiraahe tauna bosa.

Matiu 14:19 Mawu Ofanana

Matiu 14:18

Nahanai Yesu, “Nianti mai.”

Markus 6:39

Hangko inditi, Yesu motuduhe tauna bosa mohuda motobu-tobu i wongko hehi.

Markus 6:41

Roo indo, naalami Yesu roti au lima oguna hai ikane au rombaa iti, mengoa i langi mekakae i Pue Ala. Roo nodo, mobise-bisemi roti iti, pane Naweihe topeguruNa bona rakira-kira i tauna bosa. Hai ikane au rombaa, Nakira-kiraa worihe ope-ope.

Markus 7:34

Roo indo, mengoami Yesu i langi, hai modii inaona, Nauli, “Tebungkahimi!” (I lalu basanda to Yahudi, Nauli node, “Efata!”)

Lukasi 22:17

Roo indo, Yesu mangala hambua paenua au buke anggoro, mekakae i Pue Ala, pane Nauli i topeguruNa, “Nialami hai nikira-kira.

Lukasi 22:19

Roo nodo, Yesu moala mbuli roti hai mekakae i Pue Ala. Roo nodo, roti iti Nabise-bise hai Nakira-kiraahe, Nauli, “Idemi wataNgku au Kuhuhu mopahurukau. Nibabehimi ada ide bona nikatuinaoNa.”

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

Lukasi 9:14

(Kabosanda ba aratohe pae lima sabuna tobalilo, barahe teimba towawine hai anangkoi.) Nauli Yesu i topeguruNa, “Nituduhe tauna bosa iti mohuda motobu-tobu, lima pulona i lalu hantobu.”

Lukasi 9:16

Mohudamohe ope-ope, naalami Yesu roti au lima oguna hai ikane au rombaa, mengoa i langi mekakae i Pue Ala. Roo nodo, Nabise-bisemi roti hai ikane iti, pane Naweihe topeguruNa bona rakira-kiraahe tauna bosa.

Yohane 11:41

Roo indo, rabungkahimi watu petuko talumbana. Mengoami Yesu i langi, Nauli, “UmaNgku, Kuuli ngkaia kamaroana Irio, lawi Nuhadimi perapiNgku.

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

Suro 27:35

Karoona Paulu mololita nodo, moalami paande, hai mekakae i Pue Ala i lindonda ope-ope tauna. Paande iti nakira-kiraahe, hai ia haduduana mepongkami maande.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

1 Korintu 10:16

Ane maenuke anggoro i paande roti hai tauli ngkaia kamaroana i Pue Ala, lempona mokatuinaoke wahena Kerisitu au tebumbuhami i kau mombehape. Ada iti mopakanoto kaikitana tauna au Napahuru Kerisitu hai waheNa. Hai ane moandeke roti au rakira-kiraake lempona mokatuinaoke kapatena Kerisitu i kau mombehape. Ada iti mopakanoto pohintuwuta hai watana Kerisitu.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

1 Korintu 11:24

hai roo mekakae, roti iti Nabise-bisemi hai mouliangaahe topeguruNa, node, “Idemi wataNgku au Kuhuhu mopahurukau. Nibabehimi ada ide mewali pekatuinaomi Iriko.”

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.