Matiu 14:1 - Sura Malelaha

¹ I tempo iti topoparenta i Galilea, iami Herode Antipas. Nahadi Herode apa au nababehi Yesu,

Matiu 14:1 Mawu Ofanana

Matiu 13:58

Idomi hai Yesu bara mobabehi ngkaia tanda kuasa inditi, lawi barahe mepoinalai Iria.

Matiu 9:26

Bambari ide tehawuka i humalele tampo iti.

Matiu 9:31

Agaiana lao peahe i humalele tampo iti mobambari apa au nababehi Yesu irihira.

Markus 8:15

Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”

Lukasi 23:15

Nodo wori pelambiana Herode, lawi napopesule pea mai iriko. Tauna ide bara mobabehi apa pea au hintoto rahukua mate.

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Lukasi 3:19

Ia mokambaroa Herode Antipas, gubernur i tampo Galilea, lawi Herode moala Herodias, towawinena wutuna bona napotambia. Bara iti pea au nakambaroangaa Yohane, lawi ngkaia mani babehiana Herode au kadake.

Lukasi 8:3

Ara wori Yohana towawinena Kusa, topobago i lalu souna Datu Herode. Meula wori Susana hai bosa towawine ntanina. Ope-opehe motulungi Pue Yesu hai topeguruNa hangko i doinda haduduanda.

Suro 12:1

I tempo iti, Datu Herode Agripa mepongka mampopeahi-ahi bahangkia tauna au mepoinalai i Pue Yesu.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.