Matiu 13:35 - Sura Malelaha

³⁵ Mewali, tepabukeimi lolita ide au nauki hadua nabi hangkoia: “Ina mololitana hai ngkora pandiri. Ina mopahawena tatangkulera au tewuniangi hungka i pewalina dunia.”

Matiu 13:35 Mawu Ofanana

Matiu 13:14

Ido hai tepabukeimi Ngkorana Pue Ala au napahawe nabi Yesaya hangkoia au manguli node: ‘Meitatohe, agaiana bara raisa apa au mewali. Mehaditohe, agaiana bara raisa lempona.

Matiu 13:3

Roo indo, Yesu mopahaweahe ngkaia pakana paturo i lalu ngkora pandiri, Nauli, “Ara hadua tauna au lao mohawu.

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Matiu 5:2

Ia mepongkami mepaturo, Nauli,

Lukasi 10:14

I alo pebotusi i kahopoa dunia, ina rumihi mpuu pehukuna Pue Ala irikamu pane pehukuNa i to Tirus hai to Sidon.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Suro 15:18

Nodomi pangulina Pue au mopakanoto tunggaiaNa hangkoia.”

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

Epesu 3:5

Hangkoia, tunggaiaNa iti bara mani Napatongawa i manusia. Agaiana tunggaia iti ide-ide napatongawami Inao Malelaha irikami suroNa hai nabi-nabiNa au malelaha.

Epesu 3:9

Nawei worina Pue Ala bago mopakanotoahe ope-ope tauna, noumba Pue Ala au mampopewali langi hai tampo ina mampobago tunggaiaNa au tewuniangi hangkoia.

Ibarani 1:1

Hangkoia, bosa belana Pue Ala mongkora i toiorunta. LolitaNa rapahawe nabi-nabi, hai ngkaia pakana rara Napake mopaturohe toiorunta.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.