Matiu 13:24 - Sura Malelaha

²⁴ Napahawe mbuli Yesu hampaka ngkora pandiri i tauna bosa, Nauli, “Poparentana Pue Ala nodo ngkora pandiri ide: hadua topobonde lao mohawu tinuda au maroa i bondena.

Matiu 13:24 Mawu Ofanana

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 13:25

I laembengi tangana tauna leta, hawemi iwalina topobonde iti mohawuka wua dana au ina himbela hai pare i bonde iti, hai roo indo, ia padu.

Matiu 13:31

Roo indo, Yesu mopahawe mbuli hampaka ngkora pandiri i tauna bosa, Nauli, “Poparentana Pue Ala nodo lihu hahawi i lalu ngkora pandiri ide: ara haogu lihu hahawi au naala hadua tauna, hai nahawuka i bondena.

Matiu 13:33

Ara wori hampaka ngkora pandiri au Napahawe i tauna bosa, Nauli, “Poparentana Pue Ala nodo ragi au naala hadua towawine, hai nagalo tapu. Nauri ragi iti haodi pea peisa mampopembongke tapu au ngkaia.”

Matiu 13:37

Nahanai Yesu, “Ampu bonde au mohawu tinuda au maroa lempona, Ikomi, Ana Manusia.

Matiu 13:47

“I alo pebotusi i kahopoa dunia, poparentana Pue Ala nodo ngkora pandiri ide: hambua dala au mahile ratende topebau i lalu rano. Ngkaia pakana bau mesua i lalu dala iti.

Matiu 18:23

Lawi Pue Ala nodo datu au i lalu ngkora pandiri ide: ara hadua datu au moparesa indanda hawina.

Matiu 20:1

Nauli Yesu, “Ane Pue Ala mohurungi pobagonda ope-ope taunaNa i alo au ina mai, pewalina nodo ngkora pandiri ide: Hadua ampu bonde anggoro lao mohaoki tauna au raunde mobago i bondena. Madondo-dondo nalambihe tauna, hai nauliangaahe: ‘Laomokau mobago i bondeku, hai ina kuweikau hadua-hadua saromi hampeka doi pera hangaloa.’ Rapokanami lolitana iti, lao mpuumohe.

Matiu 21:33

Napaliliu Yesu lolitana i tadulako agama Yahudi, Nauli, “Pehadingi wori ngkora pandiri ide. Ara hadua ampu bonde au motudai bondena hai anggoro. Ampu bonde iti mokadipura bondena hai rawala mantoleli. Nababehi worimi popiengaa anggoro hai bambaru pokampaia. Roo indo, nasarohe bahangkia tauna mokampai, hai laomi modaga i tampo au karao.

Matiu 22:2

“Pue Ala nodo datu i lalu lolita ide: hadua datu mobabehi susa i petaunana anana.

Matiu 25:1

“Ane hawe suleNa nodo Datu, ara tauna au masilolonga hai ara wori au bara masilolonga. Pewalina nodo ngkora pandiri ide: hampulo anantowawine motunggai lao modupa toratauna tobalilo, hadua-haduahe moanti hulonda.

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Lukasi 13:18

Napaliliu Yesu lolitaNa, Nauli, “Ane poparentana Pue Ala hawe i dunia, noumba pewalina? Poparentana Pue Ala nodo lihu hahawi i lalu ngkora pandiri ide: ara haogu lihu hahawi au naala hadua tauna, hai natuda i bondena. Lihu hahawi iti tuwo hai kamahile-hilea, duuna mewali nodo hampoa kau. Hawemohe tadasi mobabehi haranda i daana.”

Lukasi 13:20

Napahawe mbuli Yesu hampaka ngkora pandiri i tauna bosa, Nauli, “Poparentana Pue Ala rapandiri nodo ragi i lalu ngkora pandiri ide:

Kolose 1:5

Pepoinalaimi hai ahimi maroho, lawi meharunga mpuukau i apa au Napasilolongaakau Pue Ala i suruga, nodo au nihadimi i lalu paturo au tou au rapahaweamokau, iami, Ngkora Marasa.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.