Matiu 13:19 - Sura Malelaha

¹⁹ Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 13:19 Mawu Ofanana

Matiu 12:26

Nodo wori i kadatua seta. Ane Datu Tokadake mampopeloho hangka tokadakena, lempona seta moewa hangka setana, alana magero kadatuanda seta iti.

Matiu 13:20

Tinuda au manawo i tampo au mowatu-watu lempona tauna mampehadingi au Ngkora Marasa, hai tou-tou matana lalunda mohadi.

Matiu 13:38

Bonde lempona, dunia ide. Tinuda au maroa lempona, tauna au mengkoru i Pue Ala bona mewalihe anaNa i lalu poparentaNa. Dana lempona, tauna au meula i Datu Tokadake.

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 5:37

Ane tunggaiamu manguli io, nuuli ‘Io.’ Ane tunggaiamu manguli bara, nuuli ‘Bara.’ Bara maroa ane nupakaroho lolitamu hai sumpa, lawi babehia au nodo mesupa hangko i Datu Tokadake.”

Markus 4:15

Tauna peisa rapandiri nodo iba pakana tampo: Arahe au rapandiri nodo tampo au mapempe, iami tauna au matua lalunda. Mohaditohe Ngkorana Pue Ala, agaiana Datu Tokadake mopawuli lalunda, alana Ngkorana Pue Ala au rahadimi iti bara rapailalu.

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Lukasi 9:2

Natuduhe lao mopahawe bambari kana i poparentana Pue Ala hai mopakaohahe tauna au mahai.

Yohane 18:38

Nahanai Pilatu, “Apari lempona lolitaMu au manguli ‘apa au tou’?” Roo indo, lao mbulimi Pilatu i raoa mouliangaahe tadulakonda to Yahudi, “Nauri hampaka salaNa, bara ara kulambi.

Yohane 8:43

Apa pongkana pane bara niisa lempona lolitaNgku? Bara niisa, lawi bara nibuku mohadi lolitaNgku.

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Suro 18:15

Agaiana popahawemi mokanai pea lolitana hai atura agamami. Mewali niurusimi ikamu. Iko, lohena!”

Suro 20:25

Halalu, ikamu au kusondakimokau hai kupopaisaakau kana i poparentana Pue Ala. Ide-ide manotomi i lalungku, kadangkupi ina niita.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 14:17

Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 2:8

Agaiana ara worihe tauna au mampekiri pea watanda. Barahe mau moula peundeana Pue Ala, moula pearihe peundeanda au kadake. Ihira ina molambi karumpuNa hai pehukuna Pue Ala.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

2 Tesalonika 2:12

Kahopoana, Pue Ala ina mohuku ope-ope tauna au raunde mobabehi dosa hai au barahe mampoinalai NgkoraNa au manoto.

Ibarani 2:1

Mewali, hangangaa tapamaroa-roa mpuu pampeulainta bambari au tou au tahadimi bona datike mopalehi pepoinalainta.

1 Yohane 3:12

Ineeke mampeulai babehiana Kai. Kai iti napoana Datu Tokadake, alana mopapate adina. Moapari pane ia mopapate adina? Lawi ia kadake babehiana, agaiana adina manoto babehiana.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.